Hē mei he Moʻoní Vakai foki ki he Angatuʻú; Fakafoki Mai ʻo e Ongoongoleleí Ko ha tafoki ia mei he moʻoní, ʻa ha niʻihi fakatāutaha, faka-Siasi, pe ha ngaahi puleʻanga kakato. Ko e hē fakakātoa mei he moʻoní Naʻe pau ke tokanga ʻa ʻIsileli telia naʻa tafoki honau lotó mei he ʻEikí, Teut. 29:18. ʻO ka ʻikai ha kikite [meʻa hā mai] ʻoku malaʻia ʻa e kakaí, LFkt. 29:18. Kuo nau maumauʻi ʻa e fuakava taʻengatá, ʻĪsaia 24:5. Pea tō mai ʻa e havilí ki he fale ko iá, pea holo ia, Mātiu 7:27. ʻOku ou ofo ʻi hoʻomou hiki vave pehē ki he ongoongolelei ʻe tahá, Kalētia 1:6. Naʻa nau kamata mai ʻi he hala totonú ka naʻa nau hē mei honau ʻaluʻangá ʻi he ʻao fakapoʻulí, 1 Nīfai 8:23 (1 Nīfai 12:17). Hili ʻenau kai ʻi he fuá, pea naʻa nau tō atu ki ha ngaahi hala tapu, 1 Nīfai 8:28. Naʻe hoko ʻa e hē ʻa e kau Nīfaí ko ha tūkiaʻanga ki he kakai taʻetui, ʻAlamā 4:6–12. Naʻe ai ʻa e tokolahi ʻo e kāingalotu ʻo e Siasí naʻa nau hīkisia ʻo fakatangaʻi ʻa e kāingalotu kehé, Hilam. 3:33–34 (Hilam. 4:11–13; 5:2–3). ʻI he taimi ko ia ʻoku hanga ai ʻe he ʻEikí ʻo ngaohi ke tuʻumālie ʻa hono kakaí, ʻoku nau fakafefeka ai honau lotó ʻi he taimi ʻe niʻihi ʻo fakangaloʻi ia, Hilam. 12:2; 13:38. Naʻe fakafefeka ʻe he kau Nīfaí ʻa honau lotó ʻo nau moʻulaloa ki he mālohi ʻo Sētané, 3 Nīfai 2:1–3. Naʻe kikite ʻa Molonai ʻo kau ki he hē mei he moʻoni ʻi he ngaahi ʻaho fakaʻosí, Molom. 8:28, 31–41. ʻE muʻomuʻa ha hē mei he moʻoní ʻi he Hāʻele ʻAnga Uá, T&F 1:13–16. Hē mei he moʻoní ʻi he siasi faka-Kalisitiane ʻi muʻá ʻOku ʻunuʻunu mai ʻa e kakaí ni kiate au ʻaki honau ngutú, ʻĪsaia 29:10, 13. ʻE ʻufiʻufi ʻe he fakapoʻulí ʻa māmani, ʻĪsaia 60:2. ʻE fekau mai ʻe he ʻEikí ʻa e honge ʻi he fie fanongo ki he ngaahi folofola ʻa e ʻEikí, ʻĀmosi 8:11. ʻE tuʻu hake ʻa e kau Kalaisi loi, mo e kau palōfita loi, Mātiu 24:24. ʻE haʻu kiate kimoutolu ʻa e kau ulofi fakamā1ohi, Ngāue 20:29. ʻOku ou ofo ʻi hoʻomo hiki vave pehē meiate ia, Kalētia 1:6. ʻE ʻi ai ha liliu kovi ʻe hoko ki muʻa ʻi he Hāʻele ʻAnga Uá, 2 Tēsal. 2:3. ʻOku hē ha niʻihi mei he moʻoní, 2 Tīm. 2:18. ʻOku ʻi ai ha niʻihi ʻoku nau maʻu ʻa e ngeʻesi ʻo e lotú, ka ʻoku nau liʻaki ʻa hono mālohí, 2 Tīm. 3:5. ʻE hoko mai ʻa e taimi ʻa ia ʻe ʻikai te nau faʻa kātakiʻi ai ʻa e tokāteline totonú, 2 Tīm. 4:3–4. ʻE ʻi ai ʻa e kau palōfita loi mo e kau akonaki loi ʻi he kakaí, 2 Pita 2:1. Kuo ʻi ai ʻa e kau tangata kuo nau fetōlofi mai ʻo fakafisinga ʻa e ʻEiki pē taha ko e ʻOtuá, Sute 1:4. Naʻe pehē ʻe ha kau tangata ko e kau ʻaposetolo ʻa kinautolu ka naʻe ʻikai, Fakahā 2:2. Naʻe mamata ʻa Nīfai ki hono fokotuʻu ha siasi lahi mo fakalielia, 1 Nīfai 13:26. Kuo tūkia ʻa e kau Senitailé pea nau fokotuʻu ha ngaahi siasi lahi, 2 Nīfai 26:20. Kuo nau hē mei heʻeku ngaahi ouaú pea nau maumauʻi ʻeku fuakava taʻengatá, T&F 1:15. ʻOku ʻufiʻufi ʻe he fakapoʻuli ʻa e māmaní mo e poʻuli matolu ʻa e ʻatamai ʻo e kakaí, T&F 112:23. Naʻe fakahā kia Siosefa ʻoku hala ʻa e ngaahi siasí kotoa; ʻoku mamaʻo honau lotó mei he ʻOtuá, SS—H 1:19.