Kākaá Vakai foki ki he Kākāʻí; Loí ʻI he folofolá, ko e kākaá pe kākāʻí ʻa hono ngaohi ha taha ke ne tui ki ha faʻahinga meʻa ʻoku ʻikai moʻoni. Ko ia naʻe ʻikai fuakava ʻi he kākaá ʻe ʻalu hake ia ki he moʻunga ʻo e ʻEikí, Same 24:4. Fakamoʻui au mei he tangata kākaá, Same 43:1. ʻOku malaʻia ʻa kinautolu ʻoku ui ʻa e leleí ko e kovi, mo e koví ko e lelei, ʻĪsaia 5:20 (2 Nīfai 15:20). ʻOua naʻa kākaaʻi ha taha ʻe ia, 1 Kol. 3:18. ʻOua naʻa kākaaʻi ʻa kimoutolu ʻe ha toko taha ʻaki ʻa e ngaahi lea laulaunoa, ʻEfesō 5:6. ʻE faʻa kākaaʻi pea ʻe kākaaʻi ʻa e kau tangata angakoví, 2 Tīm. 3:13. Ko Sētane, ʻa ia naʻá ne kākaaʻi ʻa e māmaní kotoa, naʻe lī ia ki tuʻa, Fakahā 12:9. Naʻe haʻi ʻa Sētane koeʻuhí ke ʻoua naʻá ne kākaaʻi ʻa e ngaahi puleʻangá, Fakahā 20:1–3. ʻOku ʻikai lava ke kākaaʻi ʻa e ʻOtuá, 2 Nīfai 9:41. Kapau te mou muimui ki he ʻAló, ʻo ʻikai fai ha fakakākā ʻi he ʻao ʻo e ʻOtuá, te mou maʻu ʻa e Laumālie Māʻoniʻoní, 2 Nīfai 31:13. Naʻe fakahā ʻe Seialemi kuo kākaaʻi ia ʻe he mālohi ʻo e tēvoló, Sēkope 7:18. Naʻe kākaaʻi ʻa e kakai ʻo e Tuʻi ko Noá ʻe he ngaahi lea taʻeʻaonga mo fakahekeheke, Mōsaia 11:7. Ko kinautolu ʻoku poto pea nau tali ʻa e Laumālie Māʻoniʻoní ke hoko ko honau fakahinohinó, pea kuo ʻikai kākaaʻi ʻa kinautolú, T&F 45:57. ʻE malaʻia ʻa kinautolu ʻa ia ko ʻenau kākaá, T&F 50:6. Naʻá ne hoko ko Sētane, ko e tamai ʻa e ngaahi loi kotoa pē, ke kākaaʻi mo fakakuihi ʻa e tangatá, Mōsese 4:4.