Maná

Ko ha meʻa makehe ʻoku hoko ko e fakatupu ʻe he mālohi ʻo e ʻOtuá. ʻOku hoko ʻa e ngaahi maná ko ha ʻelemēniti mahuʻinga ʻo e ngāue ʻa Sīsū Kalaisí. ʻOku kau ki ai ʻa e ngaahi fakamoʻui mahakí, fokotuʻu hake ʻo e maté ke toe moʻui, mo e toetuʻú. ʻOku hoko ʻa e ngaahi maná ko ha konga ʻo e ongoongolelei ʻa Sīsū Kalaisí. ʻOku ʻaonga ke ʻi ai ha tui kae lava ʻo fakahoko ʻa e ngaahi maná (Maʻake 6:5–6; Molom. 9:10–20; ʻEta 12:12).

Ko e meʻakai manifi hangē ha hahau fefeká ʻoku ifo hangē ha pisikete melié (ʻEke. 16:14–31) pe lolo foʻou (Nōmipa 11:8). Naʻe foaki mai ia ʻe he ʻEikí ke fafanga ʻaki ʻa e fānau ʻa ʻIsilelí lolotonga ʻa e taʻu ʻe fāngofulu ʻo ʻenau ʻi he toafá (ʻEke. 16:4–5, 14–30, 35; Siosiua 5:12; 1 Nīfai 17:28).

Naʻe ui ia ʻe he fānau ʻa ʻIsilelí ko e mana (pe man-hu ʻi he lea faka-Hepeluú)—ʻa ia ko hono ʻuhingá ko e “Ko e hā ia?”—koeʻuhí he naʻe ʻikai te nau ʻiloʻi pe ko e hā ia (ʻEke. 16:15). Naʻe toe ui foki ia ko e “meʻakai ʻa e kau ʻāngeló” mo e “mā mei he langí” (Same 78:24–25; Sione 6:31). ʻE hoko ia ko ha fakataipe ʻo Kalaisi, ʻa ia te ne hoko ko e Mā ʻo e Moʻuí (Sione 6:31–35).