Tauhi Tamapuá Ko e lotu ia ki he ngaahi tamapua pe ko e tōtuʻa ia ʻo hano mateakiʻi ʻo ha meʻa pe pīkitai ki ha faʻahinga meʻa. ʻOua naʻá ke maʻu mo au ha ʻotua kehe ʻi hoku ʻaó, ʻEke. 20:3 (Mōsaia 12:35; 13:12–13). Kapau ʻoku mou muimui ʻi he ngaahi ʻotua kehé, ko e moʻoni te mou ʻauha, Teut. 8:19. ʻOku tatau ʻa e paongataʻá mo e hia ʻo e tauhi ʻotua loí, 1 Sam. 15:23. Kuó ke liʻaki au maʻa ha taha kehe, ʻĪsaia 57:8. Kuó ke fakamālō ki he ngaahi ʻotua siliva mo e koula, Taniela 5:23. ʻE ʻikai te mou faʻa tauhi ʻa e ʻOtuá mo e koloa, Mātiu 6:24. Ko e mānumanú, ko e tauhi tamapua ia, Kolose 3:5. ʻA e fānau, taʻofi ʻa kimoutolu mei he ngaahi tamapuá, 1 Sione 5:21. ʻE malaʻia ʻa kinautolu ʻoku hū ki he ngaahi tamapuá, 2 Nīfai 9:37. Naʻe hanga ʻe he tauhi ʻotua loi ʻa e kakai ʻo Nīfaí, ʻo ʻomi kiate kinautolu ʻenau ngaahi taú mo honau ngaahi fakaʻauhá, ʻAlamā 50:21. ʻOku ʻaʻeva ʻa e tangata taki taha ʻi hono hala pē ʻoʻona, pea fakatatau ki he tatau ʻo hono ʻotua ʻoʻoná, T&F 1:16. Ke nau ngāue ʻaki honau nima ʻonautolú koeʻuhí ke ʻoua naʻa ʻi ai ha tauhi ʻotua tamapua, T&F 52:39. Naʻe takihalaʻi ʻa e tamaí ʻa ʻĒpalahamé ʻe he tauhi ʻotua tamapuá, ʻĒpa. 1:27.