Akoʻanga ʻo e Kau Palōfitá

Naʻe fekau ʻe he ʻEikí kia Siosefa Sāmita ke ne fokotuʻu ha akoʻanga ʻi Ketilani, ʻi ʻOhaiō (ʻIunaiteti Siteiti ʻo ʻAmeliká) ʻi he faʻahitaʻu momoko ʻo e 1832–1833, ko hono taumuʻá ke akoʻi ʻa e kakai tangatá ʻi he ngaahi meʻa kotoa pē ʻoku kau ki he ongoongoleleí pea mo e puleʻanga ʻo e ʻOtuá. Naʻe maʻu mei he akoʻanga ko ʻení ha tokolahi ʻo e kau takimuʻa ʻo e Siasí ʻi he kamataʻangá. Naʻe ʻi ai ha akoʻanga ʻe taha ʻo e kau palōfitá pe kaumātuʻá naʻe fakalele ia ʻe Paʻale P. Pālati ʻi he Vahefonua Siakisoní, ʻi Mīsuli (T&F 97:1–6). Naʻe ʻi ai ha ngaahi akoʻanga tatau naʻe fokotuʻu ia ʻe he Kāingalotú ʻi he hili ha kiʻi taimi siʻi mei heʻenau hiki mai ki he Hihifó; neongo iá, naʻe ʻikai fuoloa kuo taʻofi ia. ʻOku akoʻi ʻa e ongoongoleleí he ʻahó ni ʻi he ʻapí, ngaahi kōlomu ʻo e lakanga fakataulaʻeikí, mo e ngaahi houalotu kehekehe, pea ʻi he ngaahi akoʻanga ʻa e Siasí, mo e ngaahi kalasi seminelí mo e ʻinisititiutí.