ʻOku toe ʻiloa foki ko e Puha ʻo e Fuakava ʻo Sihová mo e Puha ʻo e Fuakava ʻo e Fakamoʻoní, ko e Puha ʻo e Fuakavá naʻe tapafā fuololoa pea ko ha puha naʻe ngaohi ʻaki ʻa e ʻakau naʻe ʻaofituʻa ʻaki ʻa e koula. Ko e fakaʻilonga fakalotu motuʻa mo toputapu taha ia ʻo e kau ʻIsilelí. Naʻe lau ʻa e Nofoʻanga ʻAloʻofá ʻa ia naʻe ʻi tuʻa ʻi he funga puhá ko e ʻafioʻanga fakamāmani ia ʻo Sihová (ʻEke. 25:22). ʻI he hili pē hono faʻu ʻo e tāpanekalé, naʻe tuku leva ʻa e puhá ʻi he potu Toputapu ʻo e Ngaahi Toputapú, ʻa ia ko e potu toputapu taha ia ʻo e falé (1 Ng. Tuʻi 8:1–8).