Ko e mālohi mei he ʻOtuá ʻa ia ʻokú ne fakaʻatā ha tangata pe fefine ke ne maʻu ʻa e ngaahi tāpuaki ʻi he moʻui ko ʻení pea maʻu mo e moʻui taʻengatá mo e hakeakiʻí ʻi he hili ʻenau ngāue ʻaki ʻa e tuí, fakatomalá, pea fai honau tūkuingatá ʻi hono tauhi ʻo e ngaahi fekaú. ʻOku foaki mai ʻa e tokoni pe ivi fakalangi ko iá ʻi he ʻaloʻofa mo e ʻofa ʻa e ʻOtuá. ʻOku fie maʻu ʻe he tangata fakamatelie kotoa pē ha ʻaloʻofa fakalangi tuʻunga ʻi he hinga ʻa ʻĀtamá kae ʻumaʻā foki ʻa e ngaahi vaivai fakaetangatá.
Ko e laumālie ia ʻo e ʻofa mamahi, angaʻofa, mo e faʻa fakamolemole. Ko e ʻaloʻofá ko e taha ia ʻo e ngaahi ʻulungāanga ʻo e ʻOtuá. ʻOku fakahā mai ʻe Sīsū Kalaisi ʻa e ʻaloʻofa kiate kitautolu tuʻunga ʻi heʻene feilaulau fakaleleí.
ʻOku monūʻia ʻa e manavaʻofá he te nau maʻu ʻa e ʻofa, Mātiu 5:7 (3 Nīfai 12:7 ).
Malaʻia ʻa e kau mālualoi ʻoku nau [vahehongofulu] ka ʻoku nau taʻetokanga ki he ngaahi meʻa mamafa ʻo e fonó, ko e faitotonú, mo e loto-ʻofá, mo e tuí, Mātiu 23:23 .
Ko ia ke mou manavaʻofa ʻo hangē foki ko e manavaʻofa ʻa hoʻomou Tamaí, Luke 6:36 .
Ko e ʻaloʻofá mo e moʻoní naʻe haʻu ʻia Sīsū Kalaisi, Sione 1:17 .
Ko e meʻa ʻi he ʻaloʻofa ʻa Sīsū Kalaisí, ʻe moʻui ʻa kitautolu, Ngāue 15:11 (Loma 3:23–24 ; T&F 138:14 ).
ʻOku tau maʻu ʻa e hūʻanga ʻi he tui ki heʻene ʻaloʻofá, Loma 5:2 .
ʻOku mou moʻui ʻi he ʻofa pea ʻi he tui, ʻEfesō 2:8 .
Ko e ʻaloʻofa ʻa e ʻOtuá ʻokú ne ʻomi ʻa e fakamoʻuí, Taitusi 2:11 .
Naʻe ʻikai ʻi he ngaahi ngāue ʻo e māʻoniʻoni naʻa tau faí, kae fakatatau mo ʻene ʻofa maʻataʻatā pē, kuó ne fakamoʻui ʻa kitautolu, Taitusi 3:5 .
Haʻu mālohi ki he ʻafioʻanga ʻo e ʻaloʻofá, Hepelū 4:16 .
ʻOku foaki ʻe he ʻOtuá ʻa e ʻaloʻofá ki he angavaivaí, 1 Pita 5:5 .
ʻOku ʻi he kakai kotoa pē ʻa ʻene ngaahi ʻaloʻofa ongongofuá, 1 Nīfai 1:20 .
ʻOku ʻikai ha taha ʻe lava ʻo nofo ʻi he ʻao ʻo e ʻOtuá, kae ngata pē ʻi he ngaahi ngāue māʻoniʻoni, mo e ʻaloʻofa, mo e manavaʻofa ʻa e Mīsaia Māʻoniʻoní, 2 Nīfai 2:8 .
ʻOku ngata pea fou ʻi he ʻaloʻofa pē ʻa e ʻOtuá ʻa hono fakamoʻui ʻo e tangatá, 2 Nīfai 10:24 .
ʻOku ʻi he ʻaloʻofá ʻa hotau fakamoʻuí, ʻo ka hili ʻetau fai ʻa e meʻa kotoa pē ʻe ala faí, 2 Nīfai 25:23 .
Ko e meʻa ʻi he ʻaloʻofá ʻoku tau maʻu ai ʻa e mālohi ke fai ʻa e ngaahi meʻa ko ʻení ʻe tolu, Sēkope 4:7 .
ʻOku ʻikai maʻu ʻe he ʻaloʻofá ha mafai kiate ia ʻoku ʻikai fakatomalá, Mōsaia 2:38–39 .
ʻOku ʻaloʻofa ʻa e ʻOtuá kiate kinautolu kotoa pē ʻoku tui ki hono huafá, ʻAlamā 32:22 .
ʻOku lava ʻe he ʻaloʻofá ʻo totongi ki he ngaahi tuʻutuʻuni ʻa e fakamaau totonú, ʻAlamā 34:16 .
ʻOkú ke mahalo koā ʻoku toʻo ʻe he ʻaloʻofá ʻa e fakamaau totonú? ʻAlamā 42:25 (ʻAlamā 42:13–25 ).
ʻOku lava ʻo fakatafoki ʻa e tangatá ki he ʻaloʻofa koeʻuhi ko e ʻaloʻofa, ʻo fakatatau mo ʻenau ngaahi ngāué, Hilam. 12:24 .
ʻOku feʻunga ʻeku ʻaloʻofa ki he angamaluú, mo kinautolu kotoa pē ʻoku nau fakavaivaiʻi ʻa kinautolú, ʻEta 12:26–27 .
Naʻe lotu ʻa Molonai ke foaki ʻa e ʻaloʻofa ki he kau Senitailé, koeʻuhi ke nau maʻu ʻa e manavaʻofá, ʻEta 12:36, 41 .
ʻOku moʻui ʻa e fānaú ʻia Kalaisi koeʻuhi ko ʻene ʻaloʻofá, Molonai 8:19–20 (T&F 29:46 ).
ʻOku tupu ʻi he ʻaloʻofa ʻa e ʻOtuá ʻa hoʻomou haohaoa ʻia Kalaisí, Molonai 10:32–33 .
Kuo hanga ʻe he toʻukupu ʻaloʻofá ʻo Sīsū Kalaisí ʻo fakalelei ʻa hoʻomou ngaahi angahalá, T&F 29:1 .
ʻI he mālohi ʻo e toto kuó u lilingí, kuó u taukapoʻi ʻi he ʻao ʻo e Tamaí ʻa kinautolu ʻoku tui ki hoku hingoá, T&F 38:4 .
Ko kinautolu ʻa ia naʻa nau tauhi ʻa e fuakavá te nau maʻu ʻa e ʻaloʻofá, T&F 54:6 .
Ko au, ko e ʻEikí ʻoku ou fakamolemoleʻi ʻa e angahalá peá u ʻaloʻofa kiate kinautolu ʻoku vete ʻenau ngaahi angahalá ʻi he loto-fakatōkilaló, T&F 61:2 .
Naʻe maʻu ʻe Kalaisi ʻa e ʻaloʻofa hoko mo e ʻaloʻofa, T&F 93:12–13, 20 .
Ko au ko e ʻEikí, ʻoku ou fakahā ʻa e ʻaloʻofa kiate kinautolu kotoa pē ʻoku angamaluú, T&F 97:2 .
Ko ia ia ʻokú ne tali koe ʻo hangē ko ha tamasiʻi siʻí, ʻokú ne tali ʻa hoku puleʻangá; he te nau maʻu ʻa e ʻaloʻofá, T&F 99:3 .