Ko e mālohi pe ko e lava ʻe ha taha ke ne fai ha ngaahi fili fakafoʻituitui taʻe-fakamālohiʻi. ʻOku ʻuhinga ia ʻi he meʻa fakalaumālié ko e tokotaha ko ia ʻoku fakatomala mo talangofua ki he finangalo ʻo e ʻOtuá ʻokú ne tauʻatāina mei he nofo pōpula ki he angahalá tuʻunga ʻi he fakalelei ʻa Sīsū Kalaisí, (Mōsaia 5:8).
Ko e tuʻunga ia ʻo e lava ʻe ha taha ke ngāue mo fakakaukau taʻe-taʻofi ia mei ai. ʻOku hanga ʻe he talangofua ki he ngaahi tefitoʻi moʻoni ʻo e ongoongoleleí ʻo fakatauʻatāinaʻi ha taha mei he nofo pōpula fakalaumālie ʻo e angahalá (Sione 8:31–36).