Ko Sīsū Kalaisi ʻa e Huhuʻi lahi ʻo e faʻahinga ʻo e tangatá koeʻuhí he naʻe tuʻunga ʻi heʻene fakaleleí, ʻa ʻene totongi ki he ngaahi angahala ʻa e faʻahinga ʻo e tangatá pea fakaʻatā mai ʻa e toetuʻú ki he kakai kotoa pē.
Ke ui hono huafá ko Sīsū, ko ia te ne fakamoʻui hono kakaí mei heʻenau ngaahi angahalá, Mātiu 1:21 .
Naʻe haʻu ʻa e Foha ʻo e tangatá ke foaki ʻene moʻuí ko e huhuʻi ʻo e tokolahi, Mātiu 20:28 (1 Tīm. 2:5–6 ).
Kuo ʻaʻahi ʻa e ʻEiki ko e ʻOtua ʻo ʻIsilelí mo huhuʻi ʻa hono kakaí, Luke 1:68 .
Naʻe fakalelei ʻa kitautolu ki he ʻOtuá ʻi he pekia ʻa hono ʻAló, Loma 5:10 .
Ko hotau Fakamoʻui ko Sīsū Kalaisí naʻá ne foaki ia koeʻuhi ke ne huhuʻi ʻa kitautolu mei he hia kotoa pē, Taitusi 2:13–14 .
Naʻe hanga ʻe Sīsū Kalaisi ʻo fufulu ʻa kitautolu mei heʻetau ngaahi angahalá ʻaki hono taʻataʻa ʻoʻoná, Fakahā 1:5 .
ʻOku fou mai ʻa e huhuʻí ʻo tuʻunga ʻi he Mīsaia Māʻoniʻoní, 2 Nīfai 2:6–7, 26 .
Naʻe toʻo ʻe he ʻAló kiate ia ʻa e ngaahi angahalá mo e ngaahi maumau-fono ʻa e tangatá, pea huhuʻi ʻa kinautolu, mo totongi ʻa e ngaahi fie maʻu ʻa e fakamaau totonú, Mōsaia 15:6–9, 18–27 .
Naʻe hāʻele mai ke huhuʻi ʻa kinautolu ʻa ia ʻe papitaiso ki he fakatomalá, ʻAlamā 9:26–27 .
Te ne hāʻele mai ki he māmaní ke huhuʻi hono kakaí, ʻAlamā 11:40–41 .
ʻOku hoko ʻa e huhuʻí tuʻunga ʻi he fakatomalá, ʻAlamā 42:13–26 .
Naʻe hāʻele mai ʻa e ʻEiki ko Sīsuú ke huhuʻi ʻa e māmaní, Hilam. 5:9–12 .
Naʻe huhuʻi ʻe Kalaisi ʻa e faʻahinga ʻo e tangatá mei he mate fakasinó mo e mate fakalaumālié, Hilam. 14:12–17 .
ʻOku fou ʻa e huhuʻí ʻia Kalaisi, 3 Nīfai 9:17 .
Ko au ia ʻa ia naʻe teuteu talu mei he fokotuʻu ʻo e māmaní ke huhuʻi ʻa hoku kakaí, ʻEta 3:14 .
Naʻe kātakiʻi ʻe he ʻEikí ko homo Huhuʻí ʻa e mate ʻi he kakanó, T&F 18:11 .
Naʻe mamahi ʻa Kalaisi maʻá e kakai kotoa pē kapau te nau fakatomala, T&F 19:1, 16–20 .
Kuo huhuʻi ʻa e fānau īkí ʻi hoku ʻAlo pē Taha naʻe Fakatupú, T&F 29:46 .
Ne u fekau hoku ʻAlo pē Taha naʻe Fakatupú ki he māmaní koeʻuhí ko hono huhuʻi ʻo e māmaní, T&F 49:5 .
Ko Kalaisi ʻa e maama mo e Huhuʻi ʻo e māmaní, T&F 93:8–9 .
Naʻe mamata ʻa Siosefa F. Sāmita ki ha meʻa-hā-mai ki hono huhuʻi ʻo e kau pekiá, T&F 138 .