Lea Taʻefeʻungá Vakai foki ki he Taukaé (ki he ʻOtuá) Ko e lea taʻe-fakaʻapaʻapa pe manuki ki he ngaahi meʻa ʻoku toputapú, kae tautautefito ki he taʻe-ʻapasia ki he huafa ʻo e ʻOtuá. ʻOua naʻá ke takuanoa ʻa e huafa ʻo Sihova ko ho ʻOtuá, ʻEke. 20:7 (2 Nīfai 26:32; Mōsaia 13:15; T&F 136:21). Ko e hā ʻoku tau maumauʻi ai ʻa e fuakava ʻa ʻetau ngaahi tamaí, Malakai 2:10. Ko e lea kovi kotoa pē ʻoku lea ʻaki ʻe he kakaí, ʻe fakamaau ai ʻa kinautolu ʻi he ʻaho fakamāú, Mātiu 12:34–37. ʻOku mei he ngutu pē tahá ʻa e tāpuaki mo e kapekape, ʻa ia ʻoku ʻikai lelei ke pehē, Sēmisi 3:10. ʻE fakahalaiaʻi kitautolu ʻe heʻetau ngaahi leá, ʻAlamā 12:14 (Mōsaia 4:30). Tuku ke tokanga ʻa e kakai kotoa pē pe ʻe anga-fēfē ʻenau taku ʻa hoku hingoá ʻi honau loungutú, T&F 63:61–62.