Ngāue Fakafaifekaú Vakai foki ki he Malangá; Ongoongoleleí Ko hono fakahā ʻo e ongoongolelei ʻa Sīsū Kalaisí ʻi he lea mo e faʻifaʻitakiʻanga. Hono ʻikai fakaʻofoʻofa ʻi he ngaahi moʻungá ʻa e vaʻe ʻo ia ʻoku fakahā ʻa e fakamoʻuí, ʻĪsaia 52:7. Te u hakule ʻeku fanga sipí mo kumi ki ai, ʻIsikeli 34:11. Malanga ʻaki ʻa e ongoongoleleí ki he kakai fulipē, Maʻake 16:15 (Molom. 9:22). Kuo hina ʻa e ngoué ki he utu-taʻu, Sione 4:35. Pea ʻe fēfē ʻenau malanga ʻo ka ʻikai fekau atu ʻa kinautolu, Loma 10:15. Akoʻi kiate kinautolu ʻa e folofola ʻa e ʻOtuá ʻi he faivelenga kakato, Sēkope 1:19. ʻOku foaki ʻe he ʻEikí ki he ngaahi puleʻanga kotoa pē ke nau akonaki ʻaki ʻene folofolá, ʻAlamā 29:8. Ke lava ʻo malanga ʻaki ʻa e ongoongoleleí ʻe he kau vaivaí mo e kau māʻulaló, T&F 1:23. ʻOku ofi ke hoko mai ha ngāue fakaofo, T&F 4:1. Kapau te mo ngāue ʻi homo ngaahi ʻahó kotoa pē pea ʻomi ʻa e foʻi laumālie ʻe toko taha pē kiate au hono ʻikai ke lahi pehē fau ʻa hoʻomo fiefiá, T&F 18:15. ʻOku fanongo ʻa hoku kakai kuo filí ki hoku leʻó pea ʻikai fakafefeka honau lotó, T&F 29:7. Mou ʻalu atu ʻo malanga ʻaki ʻeku ongoongoleleí ʻo tautau toko ua, T&F 42:6. Ke ongo atu ʻa e ongoongó mei he potú ni, T&F 58:64. Fakaava homo ngutú ʻi he malanga ʻaki ʻa ʻeku ongoongoleleí, T&F 71:1. Fakahā ʻa e moʻoní ʻo fakatatau ki he ngaahi fakahaá mo e ngaahi fekaú, T&F 75:4. ʻOku taau mo e tangata kotoa pē kuo fai ki ai ʻa e fakatokangá ke ne fakatokanga ki hono kaungāʻapí, T&F 88:81 (T&F 38:40–41). ʻE tauhi ʻe he ʻEikí ʻa e ngaahi fāmili ʻo kinautolu ʻoku nau malanga ʻaki ʻa e ongoongoleleí, T&F 118:3. ʻE ʻalu atu ʻa e kau tamaioʻeiki ʻa e ʻOtuá, T&F 133:38. Ko e kaumātuʻa angatonú ʻi heʻenau mavahe atu mei he moʻui fakamatelié ʻoku hoko atu ai pē ʻa ʻenau ngāué, T&F 138:57.