Faitotonú Vakai foki ki he Angatonú Ke anga-fakamātoato mo anga-moʻoni ʻo taʻe-ha-kākā. ʻOku fiefia ʻa e ʻEikí ʻiate kinautolu ʻoku fai fakamoʻomoʻoní, LFkt. 12:22. Fai ki he meʻa kuó ke fuakava ki aí, Tngt. 5:4–5. Kuo mau liʻaki ʻa e ngaahi meʻa fufū ʻo e fakamā, 2 Kol. 4:1–2. Fai ke lelei hoʻomou moʻuí, 1 Pita 2:12. ʻE malaʻia ia ʻoku loí, he ʻe kapusi hifo ia ki heli, 2 Nīfai 9:34. ʻOku folofola ʻaki ʻe he Laumālié ʻa e moʻoní pea ʻoku ʻikai loi, Sēkope 4:13. ʻIlonga ia ʻoku kole mei hono kaungāʻapí ʻoku totonu ke ne fakafoki ʻa e meʻa ʻokú ne kolé, Mōsaia 4:28 (T&F 136:25). Tokanga ke ke faitotonu, fakamaau māʻoniʻoni, pea failelei maʻu ai pē, ʻAlamā 41:14. Tuku ke faitotonu ʻa e tangata kotoa pē, T&F 51:9. Ko kinautolu ʻoku nau ʻilo ʻoku angatonu ʻa honau lotó ʻoku ou tali ʻa kinautolu, T&F 97:8. Kumi ki he kau tangata angatonu mo anga-fakapotopoto, pea ke poupouʻi hake ʻa e kau tangata angalelei ki he ngaahi lakanga fakapolitikale, T&F 98:4–10. Fekumi faivelenga ke fakafoki ʻa e meʻa ʻa ho kaungāʻapí ʻa ia naʻe molé, T&F 136:26. ʻOku mau tui ʻoku totonu ke faitotonu, TT 1:13.