Fakapoʻuli, Fakalaumālié Vakai foki ki he Fai Angahalá Ko e fai angahala pe taʻeʻilo ki he ngaahi meʻa fakalaumālié. ʻE malaʻia ʻa kinautolu ʻoku ui ʻa e poʻulí ko e maama, ʻĪsaia 5:20 (2 Nīfai 15:20). ʻE ʻufiʻufi ʻe he poʻulí ʻa māmani, mo e poʻuli matolu ʻa e kakaí, ʻĪsaia 60:2. ʻE foaki ʻe Sīsū ʻa e maama kiate kinautolu ʻoku nofo ʻi he fakapoʻulí, Luke 1:79. Naʻe ulo ʻa e māmá ʻi he poʻulí ka naʻe ʻikai maʻu ia ʻe he poʻulí, Sione 1:5 (T&F 45:7). Liʻaki ʻa e ngaahi ngāue ʻo e poʻulí pea tau ʻai ʻa e mahafu ʻo e māmá, Loma 13:12. ʻOua naʻa mou kau ʻi he ngaahi ngāue taʻefua ʻo e fakapoʻulí, ʻEfesō 5:8–11. ʻOku tupu ia ʻi he ʻikai te mou kolé, ko ia ʻoku ʻikai ʻomi ai ʻa kimoutolu ki he māmá, kā kuo pau ke mou malaʻia ʻi he fakapoʻulí, 2 Nīfai 32:4. ʻOku fakamafola ʻe Sētane ʻa e ngaahi ngāue ʻo e fakapoʻulí, Hilam. 6:28–31. ʻOku mafola ʻa e ngaahi mālohi ʻo e fakapoʻulí ʻi he māmaní, T&F 38:8, 11–12. ʻOku nofo ʻa e māmaní kotoa pē ʻi he angahala, mo toʻe ʻi he fakapoʻulí, T&F 84:49–54. Kapau ʻe hanga taha ʻa homou matá ki hoku nāunaú, ʻe ʻikai ke ʻiate kimoutolu ha fakapoʻuli, T&F 88:67. Naʻe pehē ʻa e kamata ke mālohi ʻa e ngaahi ngāue ʻo e fakapoʻulí ʻi he lotolotonga ʻo e ngaahi foha kotoa pē ʻo e tangatá, Mōsese 5:55.