Ko hono ʻuhinga ʻo e ui ʻe he ʻOtuá ko hano fili kita pe maʻu ha fakaafe meiate ia pe ko hono kau taki kuo ʻosi fakamafaiʻi ʻi he Siasí ke te fai ha ngāue maʻana ʻi ha founga pau makehe.
Naʻá ne ʻai hono nimá kiate ia mo tuku kiate ia ha fekau, Nōmipa 27:23 .
Naʻá ku tuʻutuʻuni [fakanofo] koe, ko e palōfita, Selem. 1:5 .
Pea kuó u fili ʻa kimoutolu ʻo tuʻutuʻuni [fakanofo] ʻa kimoutolu, Sione 15:16 .
Naʻe ui ʻa Paula ke hoko ko e ʻAposetolo, Loma 1:1 .
ʻOku ʻikai toʻo ʻe ha tangata ʻa e ngāue tapú ni kiate ia, ka ko ia kuo ui ʻe he ʻOtuá, Hepelū 5:4 .
Naʻe ui ʻe he ʻOtuá ʻa Sīsū ʻo fakatatau ki he lakanga ʻo Melekisētekí, Hepelū 5:10 .
Kuo ui au ke malanga ʻaki ʻa e folofola ʻa e ʻOtuá ʻo fakatatau ki he laumālie ʻo e fakahaá mo e kikité, ʻAlamā 8:24 .
Naʻe ui mo teuteuʻi ʻa e kau taulaʻeikí talu mei hono ʻai ʻo e tuʻunga ʻo e māmaní, ʻAlamā 13:3 .
Kapau ʻoku mou maʻu ʻa e ngaahi holi ke ngāue maʻá e ʻOtua, ʻoku ui ʻa kimoutolu, T&F 4:3 .
Tuʻu maʻu ʻi he ngāue kuo ui koe ki aí, T&F 9:14 .
ʻOku ʻikai ʻaonga ke ke mahalo kuo ui koe ke ke malanga kae ʻoua kuo ui koe, T&F 11:15 .
ʻOku ui ʻa e kaumātuʻá ke fakahoko hono tānaki ʻo e kakai filí, T&F 29:7 .
ʻE ʻikai ngofua ki ha taha ke ne malanga ʻaki ʻeku ongoongoleleí pe langa hake hoku Siasí, tuku kehe ʻo kapau ʻe fakanofo ia, T&F 42:11 .
ʻOku ui ʻa e tokolahi, kae fili ʻa e tokosiʻi, T&F 121:34 .