Tokāteline ʻa Kalaisí Vakai foki ki he Ongoongoleleí; Palani ʻo e Huhuʻí Ko e ngaahi tefitoʻi moʻoni mo e ngaahi akonaki ʻo e ongoongolelei ʻa Sīsū Kalaisí. ʻE tō ʻeku akonakí ʻo hangē ko e ʻuha, Teut. 32:2. Ko kinautolu naʻe lāungá te nau maʻu ʻa e akonaki, ʻĪsaia 29:24. Naʻe ofo ʻa e kakaí ʻi heʻene akonakí, Mātiu 7:28. Ko ʻeku akonakí ʻoku ʻikai ʻaʻaku, ka ʻoku ʻaʻana naʻá ne fekau aú, Sione 7:16. ʻOku foaki mai ʻa e tohi tapu kotoa pē, pea ʻoku ʻaonga ia ki he akonaki, 2 Tīm. 3:16. Ko e tokāteline ʻeni ʻa Kalaisí, pea ko e tokāteline moʻoni pē ʻe taha ia ʻa e Tamaí, 2 Nīfai 31:21 (2 Nīfai 32:6). Pea ʻoua naʻa fai ha ngaahi fakakikihi ʻiate kimoutolu ʻi he ngaahi tefito ʻo ʻeku tokāteliné, 3 Nīfai 11:28, 32, 35, 39–40. ʻOku ueʻi hake ʻe Sētane ʻa e loto ʻo e kakaí ke fakakikihi ʻi he ngaahi tefito ʻo ʻeku tokāteliné, T&F 10:62–63, 67. Akoʻi ki he fānaú ʻa e tokāteline ʻo e fakatomalá, tui kia Kalaisí, pea mo e papitaisó mo e foaki ʻo e Laumālie Māʻoniʻoní, T&F 68:25. Mou feakoʻiʻaki ʻiate kimoutolu ʻa e tokāteline ʻo e puleʻangá, T&F 88:77–78. Pea ko e tokāteline ʻo e lakanga fakataulaʻeikí ʻe mokulu ia ki ho laumālié, T&F 121:45.