Ko e lava ia ke fai ha meʻa. Ko hono ʻuhinga ʻo e maʻu ha mālohi ki ha taha pe ha faʻahinga meʻá ko e lava ia ke te puleʻi pe fekauʻi ʻa e tokotaha pe meʻa ko iá ke ne fai ha meʻa. ʻOku faʻa fekauʻaki ʻi he ngaahi folofolá ʻa e mālohí mo e mālohi ʻo e ʻOtuá pe ko e mālohi ʻo e langí. ʻOku faʻa fekauʻaki vāofi ia mo e mafai ʻo e lakanga fakataulaʻeikí, ʻa ia ko e ngofua pe totonu ia ke ngāue maʻá e ʻOtuá.
Kuó u fokotuʻu koe koeʻuhí ke fakahā ʻiate koe ʻeku mālohí, ʻEke. 9:16 .
Ko e ʻOtuá hoku mālohí, 2 Sam. 22:33 .
ʻOua naʻá ke taʻofi ʻa e leleí ʻo kapau ʻoku ʻi ho nimá ʻa hono mafaí, LFkt. 3:27 .
Ko e moʻoni ʻoku ou pito ʻi he mālohi mei he laumālie ʻo e ʻEikí, Maika 3:8 .
Kuo tuku kiate au ʻa e mālohi kotoa pē ʻi he langí mo māmani, Mātiu 28:18 .
Naʻa nau ofo ʻi heʻene akonakí, he naʻe lea ia ʻi he mālohi, Luke 4:32 .
Mou tatali ʻi he koló kae ʻoua ke mou mau ʻa e mālohi mei ʻolunga, Luke 24:49 .
Ko ia kotoa pē naʻe maʻu iá naʻá ne foaki kiate kinautolu ʻa e [mālohi] ke hoko ko e fānau ʻa e ʻOtuá, Sione 1:12 (T&F 11:30 ).
Te mou maʻu ʻa e mālohi ʻo ka hoko mai ʻa e Laumālie Māʻoniʻoní kiate kimoutolu, Ngāue 1:8 .
ʻOku ʻikai ha pule kae mei he ʻOtuá, Loma 13:1 .
Kuo leʻohi ʻa kimoutolu ʻe he mālohi ʻo e ʻOtuá ʻi he tui ki he fakamoʻuí, 1 Pita 1:3–5 .
Neongo ʻe maʻu ʻe ha tangata ha mālohi ke fai ʻa e ngaahi fuʻu ngāue lalahi lahi, ka ʻo kapau te ne pōlepole ʻi hono ivi ʻoʻoná kuo pau ke ne tō, T&F 3:4 .
ʻOku ʻi he tangata kotoa pē ʻa e mālohi ke failelei, T&F 58:27–28 .
ʻOku fakahā ʻa e mālohi ʻo e anga faka-ʻOtuá ʻi he ngaahi ouau ʻo e Lakanga Taulaʻeiki Faka-Melekisētekí, T&F 84:19–22 .
Ko e ngaahi totonu ʻo e lakanga fakataulaʻeikí kuo fakamaʻu taʻelava ke veteki ki he ngaahi mālohi ʻo e langí, T&F 121:34–46 .