Owura, Yɛpɛ sɛ Yɛhunu Yesu

Da koro bi, wɔ nsutɔberɛ afe 1944, abranteɛ bi ani so tetee no wɔ asraafoɔ ayaresabea. Na ne tiri yɛ sɛ ɔte ase—na wɔabɔ no tuo wɔ n’aso akyi, nanso na adɔkotafoɔ ayɛ no oprehyɛn, ma afei na deɛ ɔtumi nante, kasa yie.

Awerɛhosɛm ne sɛ, na etuo aboba no asɛe n’adwene fa a ɛma ɔkae nnipa anim. Afei ɔhwɛ ne yere anim a, ɔnkae no koraa; na ɔnkae n’ankasa ne maame mpo. Mpo ɔnka n’anim wɔ ahwehwɛ mu—na ɔntumi nkyerɛ sɛ ɛyɛ ɔbaa naa ɔbarima.¹

Na w’abɛyɛ anim-nifrani—tebea a ɛha nnipa mpempem.²

Nnipa a wɔyɛ anim-anifrafoɔ pa ara no bɔ mmɔden de mmara na wɔde kae hunu afoforɔ--wɔbɛtumi de sɛdeɛ nneɛma a asisi ɔbabaa bi anim teɛ anaa sɛdeɛ adamfoɔ bi twe ne nan ase ahyɛ no nso.

Wei yɛ abasɛm a ɛtɔ so mmienu, na mabɛn fie: sɛ abarimaa ketewa, na me taa hunu me maame sɛ mmrahyɛni. Ɔno na ɔkyerɛ berɛ a mɛtumi adi agorɔ ne berɛ a mɛda, anaa, deɛ ɛkyɛn saa, berɛ a mɛdɔ adihɔ.

Na ɔdɔ me ankasa. Nanso aniwuo mu, mpɛn pii no na me hunu no sɛ “Obi a Ɛwɔ sɛ Yɛbu No.”

Mfeɛ kakra akyi no mabɛhunu no sɛ onipa ankasa. Ɛyɛ me aniwuo sɛ mɛka sɛ manhunu n’afɔrebɔ anaa mannwene ho da sɛnti a na ɔhyɛ skɛɛte mmienu pɛ (berɛ a na me nya sukuu ntaadeɛ afoforɔ) anaa sɛnti a na mmɔfra nson maame da ntɛm saa.

Ebia woahunu sɛ saa abasɛm mmienu yi yɛ baako—mfeɛ pii mu, nokorɛ, na meyɛ anim-nifrani ankasa. Mantumi anhunu me maame sɛ ɔyɛ onipa ankasa. Mehunuu ne mmara nanso manhunu ne dɔ wɔ mu.

Meka saa abasɛm mmienu yi de kyerɛ adeɛ baako (ebia wo yɛ obi) a woyare honhom mu anifra wɔ kwan bi so.

Ebia woreyere wo ho sɛ wobɛhunu Onyankopɔn sɛ ɔdɔfoɔ Agya. Wobɛtumi ahwɛ soro na woahunu anim a ɛnyɛ ɔdɔ ne ahummɔborɔ, na mmom mmara denden a ɛwɔ sɛ wodebɔ bra. Ebia wogye di sɛ Nyankopɔn di hene wɔ ɔsoro, kasa fa Ne nkɔmhyɛfoɔ so, na ɔdɔ wo nuabaa nanso wodwene sɛ so Ɔdɔ wo nso.³ Ɛbia na wate dadeɛ abaa no nka wɔ wo nsa mu nanso wontee Agyenkwa no dɔ nka.⁴

Mesusu sɛ wonim nnipa pii te sɛ sei ɛfiri sɛ na me te sɛ obi saa—na meyɛ honhom mu anim-nifrani.

Na me dwene sɛ mabrabɔ yɛ mmera so die ne sɛ mɛfata susudua binom a ɛnni hɔ. Na menim sɛ Nyankopɔn dɔ wo pɛpɛɛpɛ nanso na me nte nka. Mesuro sɛ me dwene sɛ mɛkɔ soro kyɛn sɛ me ne Me Soro Agya bɛtena.

Sɛ wo, te sɛ me, ɛtɔda a yɛtumi de yɛn ano fa ho, nanso yɛnto “ɔgyeɛ dɔ ho dwom no bi,”⁵ deɛn na yɛbɛtumi ayɛ?

Mmuaeɛ no, sɛdeɛ Titenani Russell M. Nelson kae yɛn no, yɛ Yesu berɛ biara.⁶ Na ɛno yɛ asɛm pa.

Asɛm tiawa bi wɔ Yohane a medɔ. Ɛkasa fa ananafoɔ kuo bi a wɔbɛyɛɛ n’akyidifoɔ berɛ a wɔtuu anammɔn kɛseɛ bi. “Owura,” wɔbisaeɛ, “yɛbɛ [pɛ sɛ] yɛhu Yesu.”⁷

Ɛno na yɛn nyinaa pɛ—sɛ yɛbɛhunu Yesu sɛdeɛ ɔteɛ na yɛate Ne dɔ nka. Ɛwɔ sɛ yei yɛ sɛnti ma nneɛma dodoɔ a yɛyɛ wɔ Asɔre no mu—ne adidikronkron nhyiamu biara ase. Sɛ woredwene adesuadeɛ a wobɛkyerɛ, agyinatuo nhyehyɛɛ a wobɛyɛ, ne sɛ wobɛgyae deacons no hɔ na woadi agorɔ a, wobɛtumi de saa twerɛsɛm yi ayɛ mfatoho: yei bɛboa ma nkorɔfoɔ ahunu Yesu Kristo dɔ no anaa? Sɛ daabi a, ɛbia yɛ biribi foforɔ.

Berɛ a mehunuu sɛ meyɛ Honhom mu anim-anifrani, na na mehunu mmera nanso ɛnyɛ Agya no ahummɔborɔ anim no, na menim sɛ ɛnyɛ Asɔre na ayɛ. ɛnyɛ Nyankopɔn, na na ɛnkyerɛ sɛ anidasoɔ asa; ɛyɛ biribi a ɛwɔ sɛ yɛn lnyinaa sua. Mpo adikanfoɔ adansefoɔ no hyiaa Awurade a wawu asɔre no anim ne anim a wɔanhunu no; firi turom nna so kɔsi Galilea mpoano, akyidifoɔ a wɔdikan no “hunuu Yesu sɛ ɔgyina hɔ nanso na wɔnnim sɛ ɛyɛ Yesu.”⁸ Na ɛwɔ sɛ wɔsua sɛdeɛ wɔbɛhunu no, na saa ara na ɛwɔ sɛ yɛyɛ.⁹

Berɛ a mehunuu sɛ meyɛ Honhom mu anim-anifra, mehyɛɛ aseɛ de Mormonfoɔ afotuo sɛ memfa “ahoɔden a ɛwɔ akoma mu nyinaa” mmɔ mpaeɛ sɛdeɛ ɔdɔ bɛhyɛ me ma sɛdeɛ ɔhyɛɛ akyidifoɔ no bɔ no—ɔdɔ a mewɔ ma No ne Ne dɔ ma me—na mɛhunu no sɛdeɛ Ɔteɛ.”¹⁰ Mebɔɔ mpaeɛ sɛ mɛtumi adi mmara kɛseɛ a ɛdi kan sɛ mɛdɔ Nyankopɔn na manya atenka afa nokorɛ a ɛdi kan … sɛ Onyankopɔn dɔ yɛn na ɔde Ne akoma, tumi, adwene, ne ahoɔden, nyinaa.”¹¹

Mesan nso kanee, san kenkanee na mesan kenkanee Asɛmpa nan no na ɛnyɛ sɛ mɛyi bi afiri Ne mmara no mu na mmom sɛ mɛhunu sɛdeɛ Ɔteɛ ne deɛ Ɔpɛ. Na wɔ berɛ mu no, ɔdɔ nsuo a ɛfiri Ne hɔ no faa me.

Yesu de too dua sɛ wɔsomaa No “sɛ ɔmmɛsa deɛ n’akoma abubuo yareɛ, Ɔmmɛka ɔgyeɛ nkyerɛ wɔn a wɔwɔ nkoasom mu, na Ɔmmue anifrafoɔ ani.”¹²

Na ɛno nyɛ bibiribi a ɛwɔ sɛ Ɔyɛ kɛkɛ anaa sɛ abodin bi kɛkɛ na mmom saa na Ne dɔ su teɛ.

Bue Asɛmpa no biara; wɔ kratafa biara no wobɛhunu No sɛ ɔrehwɛ nnipa a wɔreberɛ--honam mu, honhom mu ne asetena mu. Ɔde Ne nsa kaa wɔn a wɔsusu sɛ wɔn ho nteɛ na wɔn ho wɔ fi¹³ na Ɔmaa wɔn a ɛkɔm de wɔn aduane diiɛ.¹⁴

W’ayɛsɛm paa fa Yesu ho ne deɛn? Me susu sɛ ɛkyerɛ Onyankopɔn Ba no sɛ Ɔde anidasoɔ rema obi a wayi no totwene—ɔkwatani no,¹⁵ Samariani no a wɔtan,¹⁶ ɔdebɔneɛni a wabu no fɔ no,¹⁷ anaa ɔman tamfo no.¹⁸ Saa adom wei yɛ nwanwasoɔ.

Bɔ mmɔden twerɛ to hɔ berɛ biara a Ɔyi ayɛ anaa ɔsa yareɛ anaa ɔne ananafoɔ bɛdidi, na wo twerɛdua bɛsa ansa na woafiri Luka.

Mehunuu yei na m’akoma hwirii wɔ ɔdɔ aniku mu, na mehyɛɛ aseɛ nyaa tee nka sɛ Ɔdɔ me. Sɛdeɛ Titenani Nelson akyerɛ no, “Dodoɔ no a wosua Agyenkwa no ho asɛm no, ɛyɛ mmrɛ ma wogye N’ahummɔborɔ, Ne dɔ a ɛnniawieeɛ, ne Ne denhyɛ, ayaresa, ne ɔgyeɛ tumi no di.”¹⁹ Na wobɛdɔ anya awerɛhyɛm wɔ wo Soro Agya mu yie.

Elder Holland akyerɛ yɛn sɛ Yesu baa sɛ “ɔbɛkyerɛ yɛn nea ne sɛdeɛ Nyankopɔn yɛn Daa Agya no teɛ, sɛdeɛ N’ani ku Ne mma ho”²⁰wɔ berɛ ne ɔman biara mu.

Paulo sɛ Onyankopɔn yɛ “Ahummɔborɔ [nyinaa] Agya, ne awerɛkyekyerɛ nyinaa Nyankopɔn.”²¹

Sɛ wonhunu No saa a, kɔ so ara bɔ mmɔden.

Nkɔmhyɛfoɔ to nsa frɛ yɛn sɛ yɛn nhwehwɛ N’anim.²² Fa wei yɛ nkaeɛ sɛ yɛsom yɛn Agya, ɛnyɛ nhyehyɛɛ, na yɛnnnwiee kɔsi sɛ yɛbɛhunu Yesu sɛ ɔno ne Agya no dɔ²³ na yɛadi Nakyi, na ɛnyɛ Ne mmera so kɛkɛ.²⁴

Sɛ yɛn nkɔmhyɛfoɔ ne asomafoɔ kasa fa apam ho a, wɔnte sɛ kookyifoɔ a wɔreteateam firi (ntoma pa) apata ase regu yɛn so, sɛ “yɛnyere yɛn ho!” Wɔpɛ sɛ yɛhunu yɛn apam nnyinasoɔ sɛ ɛyɛ twaka a ɛda yɛn ntamu²⁵ na ɛbɛtumi asa honhom anim-anifra.²⁶ Ɛnyɛ mmera a yɛdenya Ne dɔ; Ɔdɔ wo yie ankasa Deɛ na ɛyɛ den ma yɛn ne sɛ yɛbɛte aseɛ na yɛabɔ bra wɔ saa ɔdɔ no mu.²⁷

Yɛbɔ mmɔden hunu yɛn apam mu te sɛ deɛ yɛrehwɛ mpoma mu, akɔ Agya no ahummɔbrɔ anim no.

Apam yɛ Onyankopɔnm dɔ atuuyɛ.

Yɛbɛtumi asua ahunu No berɛ a woresom No. “Na ɛbɛyɛ dɛn na nnipa bɛhunu ne wura mmerɛ a ɔnsom no da?”²⁸

Mfeɛ kakra a atwam, Menyaa ɔfrɛ foforɔ a na ɛboro me so. Mede ayamhyehyeɛ sɔree ntɛm—nanso na nsɛm bi wɔ m’adwene mu a mentee da: sɛ wobɛsom wɔ Asɔre yei mu te sɛ wogyina ɔdɔ a Nyankopɔn wɔ ma ne mma nsuo mu. Saa Asɔre yi yɛ adwuma apontoɔ a nnipa kurakura akadeɛ, rebɔ mmɔden ayi kwan ama Nyankopɔn dɔ asubɔntene akɔduru ne mma nkyɛn.

Sɛdeɛ wo teɛ biara, deɛ wayɛ biara no, bea bi wɔ hɔ ma wo wɔ mu Asɔre.²⁹

Fa abaa ne sofi na ka kuo no ho. Boa fa Ne dɔ kɔma Ne mma na ɛbi bɛbɔ agu wo ho.³⁰

Yɛn nhwehwɛ Ne dɔ anim, Napam atuuyɛ na yɛnka abasa ho na yɛmmɔ mu nto “Israel Dimafoɔ” dwom:

Moma yɛnhwehwɛ Ne dɔ anim na yɛnyɛ ankorɛ ma Nahummɔbrɔ a ɛkɔ ma Ne mma.³² Wɔ Yesu Kristo din mu, amen.