Aoaoga Mo O Tatou Taimi

O faatonuga nei mo lesona a le Perisitua Mekisateko ma le Aualofa i le Aso Sa lona fa, e suia ai faatonuga o loo i le Faamatalaga mo Taitai o le Perisitua ma Ausilali e Uiga i Mataupu Aoaoina, 2005 i le 2008.

O sauniga o le Perisitua Mekisateko ma le Aualofa i le Aso Sa lona fa o masina taitasi, o le a tulimata’i atu i “Aoaoga mo o Tatou Taimi.” O lesona uma o “Aoaoga mo o Tatou Taimi” o le a faia mai i lauga o le lomiga aupito lata mai o le konafesi aoao o loo i le Liahona po o le Ensign. O lomiga nei e lolomi ma faasalalau i masina o Me ma Novema. O loo maua foi lauga i le Initoneti (i le tele o gagana) i le tuatusi www.lds.org.

E mafai ona saunia lesona taitasi mai se lauga se tasi pe sili atu foi. E mafai e peresitene o siteki ma itu ona filifili pe o a lauga e tatau ona faaaoga, a le o lena, e mafai ona latou tuuina atu lenei matafaioi i epikopo ma peresitene o paranesi. E ao i nei taitai perisitua ona faamamafa atu le taua o le suesue e uso o le Perisitua Mekisateko ma tuafafine o le Aualofa nei lava lauga i Aso Sa foi na. E tatau i faiaoga ona saili atu i ni fautuaga mai o latou taitai e tusa ai ma mea faapitoa e ao ona faamamafa.

O i latou e auai atu i lesona o le Aso Sa lona fa ua uuna’ia ina ia suesue ma aumai i le vasega le mekasini o le konafesi aupito lata mai. E ao i taitai o uarota ma paranesi ona mautinoa ua tofu maua uma e tagata o le au paia ia mekasini o le Ekalesia.

Fautuaga mo le Sauniaina o se Lesona mai Lauga

Tatalo ina ia faatasi le Agaga Paia ma oe a o e suesue ma aoao atu ia lauga. Atonu e i ai taimi e faaosoosoina ai oe e aua le faaaogaina lauga o le konafesi ae saunia se lesona mai nisi tusi. Ae o lauga o le konafesi o mataupu aoaoina ia ua faamaoniaina. O lou tofiga o le fesoasoani lea i isi e aoao ma ola i le talalelei, e pei ona aoaoina mai i le konafesi aoao aupito lata mai a le Ekalesia.
Toe faamanatu lauga, ma vaavaai mo mataupu ma aoaoga faavae e fetaui ma manaoga o tagata o le vasega. Ia vaavaai foi mo tala, mau e faatatau i ai, ma faamatalaga mai lauga o le a fesoasoani ia te oe, e aoao atu ai mataupu ma aoaoga faavae.
Fai se otootoga o le auala e te manao e aoao atu ai ia mataupu ma aoaoga faavae. E tatau ona aofia i lau otootoga ni fesili e fesoasoani ai i tagata o le vasega [e]:
- – Vaavaai mo mataupu ma aoaoga faavae o loo i le lauga o loo e aoaoina atu.
- – Mafaufau i le uiga o mataupu ma aoaoga faavae.
- – Fetufaai o latou malamalamaaga, manatu, aafiaga, ma molimau e uiga i mataupu ma aoaoga faavae.
- – Faaaoga nei mataupu ma aoaoga faavae i o latou olaga.
Toe faamanatu mataupu e 31–32 O Le Aoao Atu E Leai Se Isi Valaauga e Sili Ai.

“O le mea e aupito taua, o le mauaina lea e tagata o le uunaiga a le Agaga, faateleina lo latou malamalama i le talalelei, iloa faaaoga mataupu faavae o le talalelei i o latou olaga, ma faamalosia a latou tautinoga e ola ai i le talalelei” (Tusitaiala Faafaiaoga [2001], 12).

Faamolemole auina mai manatu e uiga i “Aoaoga mo O Tatou Taimi” i le Curriculum Development, 50 East North Temple Street, Room 2420, Salt Lake City, UT, 84150-3220, USA; i-meli: cur-development @ldschurch.org.

Novema 2006—Aperila 2007	O lauga o loo lolomi i le Liahona o Novema 2006*
Me 2007—Oketopa 2007	O lauga o loo lolomi i le Liahona o Me 2007*

*O loo maua nei lauga i le Initoneti (i le tele o gagana) i le tuatusi www.lds.org.