Ripote ni Tabacakacaka ni Dikevi iVola ni Lotu, 2006

Kemuni na Veitacini: Me vaka sa vakamacalataki ena ivakatakila ena wase 120 ni Vunau kei na Veiyalayalati, na Matabose ni Wasewasei ni iKatini e solia na veivakadonui ena kena vakayagataki na ilavo ni Lotu. Era lewena na matabose oqo na Mataveiliutaki Taumada, na Kuoramu ni iApositolo Le Tinikarua, kei na Matabisopi Vakatulewa. Na matabose oqo e vakadonuya na ilavo vakarau ni veitabacakacaka ni Lotu kei na kena cakacaka. Ni sa ciqomi na nodratou veivakadonui na matabose, me ra qai vakayagataka na veitabacakacaka ni Lotu na ilavo me vaka sa dui vakarautaki me baleti ira, ka me sala vata kei na lawatu kei na kena ivakarau ena Lotu.

Na Tabacakacaka ni Dikevi iVola ni Lotu sa soli vua na dodonu me raica na ivolatukutuku kei na ivakarau e ganita me kila kina na kena lewai vakamatau na ciqomi, kena vakayagataki, kei na kena taqomaki na iyau ni Lotu. Na Tabacakacaka ni Dikevi iVola ni Lotu e tu vakataki koya mai na veitabacakacaka kei na cakacaka kece tale ni Lotu ka ra kena dauveiqaravi na daunivika raraba vakaivola, daudikevi ivola vakaivola, daudikevi ivola vakompiuta, kei ira na kenadau vakaivola tale eso.

Ni yavutaki mai na dikevi ivola sa vakayacori, sa nanuma kina na Tabacakacaka ni Dikevi iVola ni Lotu, ena veika kece vakayago, na isolisoli e ciqomi, na vakayagataki ilavo e vakayacori, kei na iyau ni Lotu ena yabaki 2006 sa vakaivolataki ka qaravi me vaka na ivalavala kilikili vakavika, na ilavo vakarau vakadonui, kei na iwalewale kei na lawatu ni Lotu.

Soli yani ena vakarokoroko,

Tabacakacaka ni Dikevi iVola ni Lotu

Robert W. Cantwell

Manidia Dairekita