Sa Mai Cava na Koniferedi; Era Sa Rogoca Rawa e Lewelevu Sara na Dauvakarorogo

Ena kena sa mai vakadewataki rawa ena 90 na veimataqali vosa, na iwase e so ni ika 177 ni Koniferedi Raraba Vakayabaki ni Lotu, ena kakaburaki ena setilaite ki na sivia e 6,000 na itikotiko ni Lotu veivakarautaki ena 85 na matanitu, e vuqa sara na lewenilotu era a sarava na kakaburaki bula ena nodra dui vosa na nodra vosa na iliuliu ni Lotu ka se bera vakadua ni yaco e liu.

Ena nona vosa vei ira na ivavakoso e vuravura raraba ena soqoni taucoko, vakavo walega ena mataka ni Vakarauwai, a kaya kina vei ira na lewenilotu o Peresitedi Gordon B. Hinckley, ka sa yabaki 96 oqo, “Ia e tu vinaka tu na yagoqu, e dina ga ni tukuni tale tiko e so na ka e veicalati,” a veiwali, “Era cakacaka sara vakavuku o ira na vuniwai kei na nasi meu bula tiko. E so vei kemuni ena rairai liu tale yani vei au.”

Ena soqoni ena yakavi ni Vakarauwai, a vakatabuya tale kina o Peresitedi Hinckley na Valecavu e Salt Lake ena Lomanibai ni Valetabu, ka a vakayacori kina e dua na soqoni ena imatai ni gauna vakatekivu sara mai na gauna a se bera ni sevutaki kina na Vale ni Koniferedi ena Epereli ni 2000. E a sogo tu mai na Valecavu oqo ena rua na yabaki ena kena vakavinakataki ka vakavoutaki tiko kina na kena kaukauwa vakayavu (raica na vosa sa kabi vata toka yani).

Era a tokoni na iliuliu vou ena siga Vakarauwai, ka oka kina e lima na Vakaitutu Raraba, era tadu kece mai na veimatanitu e taudaku kei Amerika, o iratou na mataveiliutaki raraba ni iSoqosoqo ni Veivukei, kei rau na daunivakasala ena mataveiliutaki raraba ni Goneyalewa (raica na tabana “00” [4 ] me baleta na veisau ena veiliutaki ni Lotu kei na tabana “00” [124] kei na itukutuku ni vanua era tadu mai kina o ira na iliuliu vou).

Era a vakarorogo e milioni na lewe ni Lotu ena veiyasai vuravura taucoko ena itikotiko vakarautaki ni Lotu ka vakakina ena nodra dui vale ena kakaburaki, kei na misini veivakarautaki tale e so ni setilaite kei na TV, kei na Initaneti.