Silvia H. Allred
iMatai ni Daunivakasala ena Mataveiliutaki Raraba ni iSoqosoqo ni Veivukei

iVakatakilakila

Ena gauna a se qai yabaki 16 tiko kina o Silvia Henriquez Allred, sa taleitaka tiko mai o koya na iSoqosoqo ni Veivukei, ka sa mai kacivi walega oqo me imatai ni daunivakasala ena mataveiliutaki raraba ni iSoqosoqo ni Veivukei.

“Ni oti toka ga na nona papitaiso, a kacivi sara o tinaqu me peresitedi ni iSoqosoqo ni Veivukei ena neimami tabana e El Salvador,” e vakamacalataka o Sister Allred. “E a luvuci vakaitamera sara kina o koya, ia oi au kei taciqu [ka se qai curuvou walega] keirau a kaya vua, ‘Ena vinaka. Ena vukei iko na Turaga.’ Ia a qai vakayacora dina o Koya.”

Ni sa veiqaravi tiko o Sister Allred ena itutu ni sekeriteri ena iSoqosoqo ni Veivukei vata kei tinana. E qoroya dina o koya na madigi sa veiqaravi kina ena veiliutaki, vuli, cakacaka ni liga, kei na veivukei ena iSoqosoqo ni Veivukei —e kaya o Sister Allred ni sai koya oqo na veika sa tuvanaki tu vei “ira yadua na yalewa era sa ciqoma na kosipeli i Jisu Karisito.”

A sucu o Sister Allred vei rau o Carlos Florentino Henriquez kei Hilda Alvarenga ena ika 11 ni Okotova, 1 944, mai San Salvador e El Salvador, na ikava ni lewe walu na gone. A vuli o koya ena Univesiti ni Arizona, Brigham Young Univesiti, kei na General Francisco Morarzan Institute mai El Salvador, ena veika ni fika kei na vuli vosa.

A vakamau kei Jeffry A. Allred ena ika 7 ni Sepiteba, 1966, ena Valetabu e Salt Lake. E rau itubutubu ni walu na gone.

Sa veiqaravi oti mai o Sister Allred vaka- daukaulotu tudei ena Tabana ni Kaulotu ena Loma kei Amerika, peresitedi ni iSoqosoqo ni Veivukei kei na Lalai ena tabanalevu kei na iteki, ka lewe talega ni matabose raraba ni Goneyalewa. A veiqaravi vata talega kei na turaga watina ena gauna a vakatulewa tiko kina o koya ena Tabana ni Kaulotu e Paraguay Asuncion ka se qai kacivi wale toka ga oqo me vakatulewa ena Koronivuli ni Lotu mai Dominican Republic. O irau na Allreds rau a daukaulotu talega ni veika raraba vakatamata mai Madrid e Spain.

E kaya o Sister Allred ni nona bula taucoko, sa dau vakanuinui tikoga ena veika sa vulica rawa mai na imatai ni nona veikacivi ena iSoqosoqo ni Veivukei: “Sa kila vakavinaka tiko na Tamada Vakalomalagi na veika eda gadreva. Au kila ni sa dau vakaukauwataki keda.”