Mga Butang Mahimo nga Mas Maayo

Unang adlaw kadto ni Elliott sa usa ka bag-ong eskwelahan, ug siya nahadlok.

Ma, mingawon ako sa akong daan nga mga higala.

Kahibalo ako nga mingawon ka, apan makahimo ka og bag-ong mga higala.

Human sa pag-abut sa eskwelahan, milingkod si Elliott sa usa ka bag-o nga klasehanan. Daghan sa mga kabataan kaila nang daan sa usag usa. Sila nag-inistoryahanay ug nagkinataw-anay. Milingkod si Elliott sa hilum.

Sa pagka-recess walay makita si Elliott og bisag usa nga ikadula. Siya walay nailhan kinsa ang hangyoon. Dihay magkauban nga batang mga lalaki sa playground misulti og dili maayo kaniya. Wala malipay si Elliott.

Mipauli si Elliott gikan sa eskwelahan nga mibati og kasubo.

Unsay problema?

Dili maayo ang akong adlaw sa eskwelahan. Miingon ka nga ako makahimo og bag-ong mga higala, apan wala ako makahimo. Ang pipila sa batang mga lalaki nangaway kanako, ug wala gani koy gihimo nga bisan unsa ngadto kanila.

Pasayloa ko nga bati ang imong adlaw. Kon magpadayon ka sa pagpaningkamot, ang mga butang mahimo nga mas maayo. Tingali kita kinahanglan nga mag-ampo mahitungod niini. Unsa sa imong hunahuna?

OK. Gusto gyud ko nga malingaw sa eskwelahan.

Kada adlaw si Elliott nag-ampo alang sa panabang aron siya makabaton og nindot nga mga adlaw sa eskwelahan. Pipila ka mga adlaw bati og gamay, apan siya sa hinay-hinay misugod sa pagkakita og mga higala nga makigdula.

Mipadayon si Elliott sa pag-ampo alang sa tabang. Human sa pipila ka mga semana, si Elliott nakigdula uban sa bag-ong mga higala kada adlaw. Bisan tuod og ang pipila sa mga bata dili kanunay maayo, wala kaayo siya mahasol kanila. Nasayud si Elliott nga ang Langitnong Amahan mipanalangin kaniya aron siya malipay sa iyang bag-o nga eskwelahan.