Ako Nagsunod ni Jesukristo Tungod Kay Ako Nahigugma Kaniya

Nila ni Sandra Tanner ug Cristina Franco

Imong masinati ang gugma sa Manluluwas alang kanimo pinaagi sa Espiritu Santo. Kanus-a nimo masinati ang gugma sa Manluluwas? Kon ikaw nag-ampo o nagbasa sa mga kasulatan o nag-awit og kanta sa Primary? Masinati ba nimo ang Iyang gugma kon ikaw moambit sa sakrament? Unsa ang mahitabo kon ikaw makasinati niini nga gugma? Init ba ang imong dughan? Masinati ba nimo ang pagkamalinawon? Ang pagsinati sa gugma sa Manluluwas naghimo kanato nga buot mopakita sa atong gugma alang Kaniya.

Ang kasulatan niini nga bulan nagtudlo kanato nga kita makapakita sa atong gugma alang sa Dios pinaagi sa pagsunod sa Iyang mga sugo. Diha sa imong journal sa kasulatan, isulat ang pipila sa mga sugo nga imong nahibaloan unsaon sa pagsunod. Kon kita nagsunod sa mga sugo sa pagpakita sa atong gugma alang sa Dios, Siya nagpanalangin kanato sa pagsinati sa Iyang gugma gani mas labaw pa.

Septyembre 2010 Journal sa Kasulatan

Basaha ang Juan 14:15

Pag-ampo ngadto sa Langitnong Amahan sa pagtabang kanimo pagpakita sa imong gugma ngadto Kaniya pinaagi sa pagkamasulundon.

Sag-uloha ang Juan 14:15 ug ibalik kini og sulti ngadto sa uban.

Pagpili og usa niini nga mga kalihokan o paghimo og imong kaugalingon:

Tabangi ang usa ka tawo sa pagsag-ulo sa Juan 14:15.
Ang Napulo ka mga Sugo makita diha sa Exodo 20:3–17. Basaha kadto nga mga bersikulo; dayon butangi ang mga bato diha sa pahina 63 og drowing o pipila ka mga pulong sa paghulagway sa matag sugo. Paghimo og tumong sa pagsunod sa mga sugo sa labaw ka makugihon sulod sa sunod nga semana.
Pakigsulti ngadto sa imong mga ginikanan o magtutudlo sa Primary mahitungod kon kanus-a nila nasinati ang Espiritu Santo ug nahibaloan nga ang Manluluwas nahigugma kanila.
Hinumdumi ang mga higayon nga ikaw nakasinati sa gugma sa Manluluwas ug sa pagsulat mahitungod niini diha sa imong journal.

Sa unsa nga paagi nga ang imong nabuhat nagtabang kanimo sa pagsabut sa Juan 14:15?

Isulat sa inyong journal o pagdrowing og litrato mahitungod sa unsay inyong nahimo.

Sa wala: paghulagway pinaagi ni James Johnson; sa tuo: paghulagway pinaagi ni Scott Greer