Nagsinina sama sa mga tawo sa kasaysayan gikan sa mga kasulatan, ang mga miyembro sa Simbahan sa Romania mipakigbahin og mga istorya kabahin sa Manluluwas, sa Apostasiya, Joseph Smith, ug sa Basahon ni Mormon atol sa espesyal nga programa alang sa mga miyembro ug mga higala. Ang programa kabahin sa pagsaulog sa ika-20 nga anibersaryo sa pagpahinungod sa Romania alang sa pagsangyaw sa ebanghelyo.

Ang pagsaulog gihimo niadtong Pebrero 2010 ug naglakip sa pagpundok sa dapit diin si Elder Russell M. Nelson sa Korum sa Napulog Duha ka mga Apostoles mipahinungod sa yuta niadtong 1990. Usa ka kinutlo gikan sa pag-ampo nahimong basihan sa pagsaulog sa tema nga, “Romania: Usa ka Banwag sa Kahayag sa Kasilinganang mga Nasud.”

“Atol sa kalihokan kami mibati sa Espiritu ug ang kalipay sa mga miyembro nga mahimong kabahin niining talagsaong buluhaton,” miingon si Vasile Doru, presidente sa Bucharest Romania District. “Kaming tanan nag-ampo nga sa dili madugay kami motubo aron mahimong usa ka stake sa Zion ug ‘usa ka banwag sa kahayag sa kasilinganang mga nasud.’”

Human sa programa, ang miyembro gibahin-bahin ngadto sa gagmayng mga grupo ug nanghatag og mga kopya sa Basahon ni Mormon.

Usa ka senior nga managtiayong misyonaryo sa Andrainarivo, Madagascar, bag-ohay nga midawat sa labing taas nga pasidungog sa sibilyan sa nasud tungod sa ilang humanitarian pagserbisyo.

Atol sa ilang 18 ka bulan nga misyon, sila si Elder Robert ug Sister Susan Bird, gikan sa Fruit Heights, Utah, USA, mitabang sa paghatag og humanitarian tabang, naglakip sa mga proyekto nga nagsangkap og mainom nga tubig ngatdo sa mga 100,000 ka mga tawo.

Ang Ministro sa Tubig sa Andrainarivo, si honorable Nhiry-Lanto Hery Andriamahazo, mipresentar kanila sa Medal of Honor ug mihatag og mabinationg mga pulong kabahin sa Simbahan, nag-ingon nga ang mga misyonaryo sa Madagascar naila nga kabahin sa katilingban sa Malagasy.