Mga Ideya sa Family Home Evening

Pipila ka mga artikulo niini nga isyu naghisgut kabahin sa misyonaryo nga buhat. Ikonsiderar ang paggamit sa family home evening sa pagmugna og plano sa pamilya sa misyonaryo, naglakip sa mga tumong nga makatabang sa inyong pamilya sa pagpakigbahin sa ebanghelyo. Makahisgut usab kamo sa bag-o nga mga pakigpulong sa komperensya kabahin sa misyonaryo nga buhat (tan-awa sa Thomas S. Monson, “Pagpangandam Nagdala og mga Panalangin,” Liahona, Mayo 2010, 64; Ronald A. Rasband, “Ang balaan nga Tawag sa usa ka Misyonaryo,” Liahona, Mayo 2010, 51).

Ang “Ang Akong Kaugalingong Basahon ni Mormon,” pahina 6: Human sa pagbasa niini nga istorya, ikonsiderar ang pagdapit sa mga sakop sa pamilya sa pagsukip sa ilang mga ngalan ngadto sa usa ka paborito nga kasulatan sa pagpakita nga sila mahimong sama sa matarung nga mga lalaki ug mga babaye diha sa kasulatan.. Pananglitan, “Ako , [pangalan sa sakop sa pamilya], miingon ngadto sa akong amahan: Ako moadto ug mobuhat sa mga butang nga ang Ginoo nagsugo …” (1 Nephi 3:7).

“Pagdala ni Kristo sa Atong Panimalay,” pahina 14: Human sa pagbasa niining artikulo, makahimo kamo og tumong sa pagsag-ulo sa “Ang Buhi nga Kristo” ug magpundok og mga litrato sa Manluluwas sa pagtabang sa mga sakop sa pamilya nga “kanunay mahinumdom kaniya” (Moroni 4:3).