Ang Balita sa Kalibutan, usa ka hinimo sa Simbahan nga kaduha matag tuig nga programa sa mga balita naglatid sa labing mahinungdanon nga panghitabo sa Simbahan atol sa nangaging unom ka bulan, mosibya sa kahanginan sa 19 ka pinulongan karong Sabado, Oktubre 2, ug Dominggo, Oktubre 3, 2010, tunga-tunga sa mga sesyon sa kinatibuk-ang komperensya sa samang feed sa satellite. Kon ang programa wala sa lokal nga pinulongan, kini isibya sa Iningles. Ang Balita sa Kalibutan anaa usab sa DVD sa mga sentro sa ting-apud-apod ug sa internet sa lds.org/videos ug newsroom.lds.org.

Ang mga Santos sa Ulahing mga Adlaw sa tibuok kalibutan kinsa adunay access sa Internet makatan-aw o makapaminaw sa lain-laing mga sibya sa Simbahan sa nangaging pipila ka tuig. Ang mga bisita sa site sa sibya sa Simbahan, lds.org/broadcast, makakita og archive sa mga panghitabo naglakip sa kinatibuk-ang mga komperensya, kinatibuk-ang mga miting sa Relief Society, kinatibuk-ang mga miting sa Young Women, mga fireside sa Church Educational System, mga debosyonal sa Pasko sa Unang Kapangulohan, ug daghan pa. Sa karon ang site kinahanglang gamiton sa Iningles, apan kadaghanan sa mga stream sa audio ug pipila sa mga video anaa sa nagkalain-laing mga pinulongan.

Ang Family History Library nakahimo sa walo ka mga klase sa pagsiksik sa family history anaa sa internet diha sa familysearch.org (i-klik ang Free Online Classes). Ang mga klase naglangkob sa daghang mga leksyon, sa video o pdf nga mga porma, nga nagtudlo sa piho nga pagsiksik sa family history sa mga nasud sama sa England, Germany, Ireland, Italy, Mexico, Russia, ug Estados Unidos. Pito ka mga klase anaa sa Iningles ug ang usa sa Spanish. Dugang nga mga pinulongan ang idungag sa umaabot.

Ang batan-ong mga babaye sa Kathmandu Branch, sa New Delhi India Mission miapil sa ilang unang programa sa New Beginning niadtong Abril 2010. Lima ka batan-ong mga babaye ug ilang mga inahan anaa samtang ang kapangulohan sa branch, ang presidente sa Young Women, ug uban mga lider sa kabatan-onan mihatag og makapadasig nga tambag. Ang batan-ong mga babaye gitudloan kabahin sa programa sa Personal nga Kauswagan, paghuman sa ilang mga tumong uban sa ilang pamilya, ug ang kaimportante sa pagtukod ug paglig-on sa ilang personal nga mga pagpamatuod.