Ide për Mbrëmje Familjare

“Shtatë Ditë Derisa të Vijë Pashka”, faqe 10 dhe “Dëshmitarë të Veçantë Dëshmojnë për Krishtin e Gjallë”, faqe 16: Ju mund të dëshironi t’i përdorni materialet në këta artikuj për të ndarë mendime të përditshme shpirtërore me familjen tuaj javën përpara Pashkës. Duke filluar nga e diela përpara Pashkës, lexoni dëshmitë e Presidencës së Parë në faqen 17 dhe ndiqni udhëzimet tek artikulli “Shtatë Ditë Derisa të Vijë Pashka”. Çdo ditë pas kësaj, lexoni dëshmitë e dy Apostujve dhe përdorni shkrimet e shenjta, këngët dhe veprimtarinë tek artikulli “Shtatë Ditë Derisa të Vijë Pashka” për t’i dhënë një mesazh familjes suaj. Të dielën e Pashkës, mund të shikoni videon nga Bibla “He Is Risen” [“Ai Është Ngritur”] që gjendet te lds.org/bible-videos (e gjindshme në disa gjuhë).

“Kjo Është Kaq e Lehtë, Gjyshi.” faqe 67: Pasi ta lexoni këtë artikull, edhe ju mund të dëshironi ta nxirrni kronometrin tuaj! Merrni parasysh të lexoni një faqe nga Libri i Mormonit si familje dhe të matni sa kohë ju duhet për ta lexuar. Duke e përdorur atë kohë si udhërrëfyes, llogaritni sa kohë mund t’i duhet familjes suaj për ta lexuar Librin e Mormonit. Ju mund të dëshironi të vendosni një synim për ta lexuar Librin e Mormonit së bashku. Krijimi i një programi, të tillë si të lexuarit në një kohë të përcaktuar çdo ditë, mund t’ju ndihmojë ta arrini synimin tuaj.