“Çfarë duhet të bëj kur në shkollë hapet një temë, e cila është në kundërshtim me mësimet e ungjillit, e tillë si aborti?”

Kur keni të bëni me këto situata, përpiquni të mbani mend se të tjerët mund të mos kenë të njëjtat ndjenja ndaj çështjes sikurse keni ju. Mos jini mbizotërues ose shtytës, por mos kini frikë t’i mbroni bindjet tuaja fetare. Mbani mend se ju përfaqësoni Krishtin.

Mendoj se duhet t’i ndaj pikëpamjet e mia në një mënyrë të sjellshme dhe gjithashtu të them përse unë i besoj ato. Nuk mendoj se kam nevojë t’i bëj të tjerët të kenë pikëpamjet e mia, por mendoj se ata duhet ta dinë se ku qëndroj unë lidhur me tema të caktuara dhe ta kuptojnë pikëpamjen time.

Është e rëndësishme t’i bëjmë të tjerët të na dëgjojnë, por është gjithashtu shumë e rëndësishme që të kemi respekt për bindjet e të tjerëve. Mos bëni debate. Debati krijon armiq dhe ngatërresë. Nëse nxirret në pah ndonjë ide që është në kundërshtim me fenë tonë, rrini të qetë, të përqendruar dhe tregoni respekt e mos harroni që të dëgjoni Shpirtin. Ka gjëra që ne nuk i kuptojmë, por Perëndia i kupton. Ne duhet ta dëgjojmë Shpirtin e Tij dhe të mësojmë prej Tij.

Përpiqem t’iu përgjigjem pyetjeve të tilla sa më mirë që mundem, sepse miqtë dhe mësuesit e mi nuk e dinë, në qoftë se unë nuk ua them, cili është qëndrimi i Kishës mbi tema të tilla. Duke e bërë këtë gjë, ata do të jenë në gjendje të dinë për referenca të ardhshme dhe ju do të përfitoni shpirtërisht. Mbani mend: “Ashtu le të shndritë drita juaj para njerëzve, që të shohin veprat tuaja të mira dhe ta lëvdojnë Atin tuaj që është në qiej” (Mateu 5:16).

Ndajini ndjenjat tuaja me ndershmëri. Shumë tema në shkollë, si aborti, debatohen shumë, prandaj mos kini turp që të thoni mendimin tuaj. Është një mundësi e mirë për të ndarë ungjillin dhe standardet në të cilat besojmë. Nëse i ndani ndani bindjet tuaja, ju mund t’i ndihmoni njerëzit të mendojnë për atë që është e drejtë.

Unë do ta shpjegoja mendimin tim, duke i mbrojtur parimet e mia dhe doktrinat e Kishës, duke i respektuar idetë e të tjerëve. Nuk do të jem grindavece, gjë që do ta largojë Shpirtin, i cili mund t’i ndikojë të tjerët në një mënyrë pozitive.

Ne i përkasim një Kishe që nxit punën misionare, në të cilën që të gjithë thirremi për të predikuar; si rrjedhim, ne nuk mund ta lejojmë të shpërndahet doktrinën e rreme. Në situata të tilla, ne duhet ta ngremë zërin që të korrigjojmë ndonjë doktrinë të rreme dhe që t’i ndihmojmë njerëzit të kuptojnë pikëpamjen e ungjillit të rivendosur lidhur me çështjen.

Isha në një kurs ku u diskutuan shpesh tema kontradiktore. Gjëja e parë që të bëni është t’i respektoni bindjet e të tjerëve, ashtu sikurse do të prisnit nga shokët e klasës suaj. Nëse tema është në kundërshtim të drejtpërdrejtë me Kishën, shpallni lirshëm opinionin tuaj. Juve nuk do t’ju duhet ta përmendni Kishën në përgjigjen tuaj. Megjithatë, sigurohuni që e dini qëndrimin e Kishës mbi këto gjëra.