គំនិតទាំងឡាយសម្រាប់រាត្រីជួបជុំក្រុមគ្រួសារ
ច្បាប់នេះមាននូវអត្ថបទ និង សកម្មភាពនានាដែលអាចយកទៅប្រើប្រាស់សម្រាប់រាត្រីជួបជុំក្រុមគ្រួសារ ។ នៅខាងក្រោមជាគំនិតចំនួនពីរ ។
« ថ្ងៃដ៏រុងរឿងនៃការស្ដារឡើងវិញនៃបព្វជិតភាព » ទំព័រ ២៤ ៖ សូមពិចារណាក្នុងការពន្យល់ពីរបៀបដែលបព្វជិតភាពត្រូវបានប្រគល់បន្ត ដោយគូរបន្ទាត់សាមញ្ញមួយចេញពីមនុស្សម្នាក់ទៅមនុស្សម្នាក់ទៀត ដោយចាប់ផ្ដើមពីលោកអ័ដាម ហើយបន្តទៅព្យាការីទាំងឡាយក្នុងព្រះគម្ពីរសញ្ញាចាស់ ហើយបន្ទាប់មក ចាប់ពីព្រះយេស៊ូវគ្រីស្ទ និង ពួកសាវករបស់ទ្រង់ទៅដល់យ៉ូសែប ស្ម៊ីធ ។ អ្នកអាចព្យាយាមទន្ទេញពាក្យទាំងឡាយ ដែលយ៉ូហាន បាទីស្ទ បានមានប្រសាសន៍ នៅពេលប្រគល់បព្វជិតភាពអើរ៉ុនទៅដល់យ៉ូសែប ស្ម៊ីធ និង អូលីវើរ ខៅឌើរី ដូចមានកត់ត្រានៅក្នុង គោលលទ្ធិ និង សេចក្ដីសញ្ញា ១៣:១ ហើយពិភាក្សាពីភាពសំខាន់នៃព្រឹត្តិការណ៍នោះ ។
« ទីបន្ទាល់របស់ម៉ៃ » ទំព័រ ៧៤ ៖ បន្ទាប់ពីអានអត្ថបទជាមួយគ្នារួចហើយ អ្នកអាចពិភាក្សាពី « របៀប » ដើម្បីទទួលបានទីបន្ទាល់មួយ ៖ អធិស្ឋាន អានព្រះគម្ពីរ ស្ដាប់ពួកព្យាការី និង សាវក ស្ដាប់ទីបន្ទាល់របស់អ្នកផ្សេងទៀត ថ្លែងទីបន្ទាល់ផ្ទាល់ខ្លួន ជាដើម ។ សូមនិយាយអំពីរបៀបដែលទីបន្ទាល់អាចដូចជាពន្លឺ ។ បន្ទាប់មក ឪពុកម្ដាយអាចថ្លែងទីបន្ទាល់របស់ពួកគាត់ ហើយអញ្ជើញកូនៗឲ្យចែកចាយទីបន្ទាល់ ឬ អារម្មណ៍របស់ពួកគេ បើពួកគេចង់ ។