ការធ្វើតាមពួកព្យាការី និង ពួកសាវក

ដោយ ជេណា កូហ្វ័ដ

ព្រះហៅព្យាការី និង សាវកដើម្បីបង្រៀនយើងពីអ្វីដែលទ្រង់មានព្រះទ័យចង់ឲ្យដឹង ។ នៅក្នុងព្រះគម្ពីរយើងអាចរៀនអំពីព្យាការីនានាដូចជា ណូអេ នីហ្វៃ និង យ៉ូសែប ស៊្មីធ ព្រមទាំងសាវកនានាដូចជាពេត្រុស និង ប៉ុល ។ យើងមានព្យាការី និង សាវកសព្វថ្ងៃនេះ !

តើ « ព្យាការី អ្នកមើលឆុត និង អ្នកទទួលវិវរណៈ » គឺជានរណា ?

ព្យាការី និយាយជំនួសព្រះ ។

អ្នកមើលឆុត អាចមើលឃើញពីព្រឹត្តិការណ៍កាលពីអតីតកាល បច្ចុប្បន្នកាល និង អនាគតកាល ។

អ្នកទទួលវិវរណៈ បើកសម្តែង ( ឬ បង្ហាញ ) យើងអំពីព្រះឆន្ទៈរបស់ព្រះ ។

សមាជិកនៃគណៈប្រធានទីមួយគឺជាព្យាការី អ្នកមើលឆុត និង អ្នកទទួលវិវរណៈ ។ ពួកសាវកក៏ដូចគ្នាផងដែរ ។
មានតែប្រធាននៃសាសនាចក្រប៉ុណ្ណោះ ដែលមានសិទ្ធិអំណាចមកពីព្រះដើម្បីដឹកនាំសាសនាក្រទាំងមូល ។
តើមានព្យាការី អ្នកមើលឆុត និង អ្នកទទួលវិវរណៈនៅរស់ប៉ុន្មាននាក់ដែលយើងមានសរុបទាំងអស់នោះ ?

១២ ១៥ ៣ ១

ចម្លើយ ៖ ១៥

ហេតុអ្វីវាសំខាន់ដើម្បីធ្វើតាមព្យាការី ?

ព្យាការីគឺដូចជាមនុស្សម្នាក់ដែលឃ្លាំមើលពីលើប៉ម ( សូមមើលទំព័រទី ៣៨ផងដែរ ) ។ លោកអាចមើលឃើញពីគ្រោះថ្នាក់ដែលនឹងកើតឡើង ហើយប្រាប់យើងពីរបៀបដើម្បីមានសុវត្ថិភាព ។ លោកជួយយើងឲ្យដើរតាមព្រះយេស៊ូវគ្រីស្ទ ។

តើព្យាការីរបស់យើងបានប្រាប់ឲ្យយើងធ្វើអ្វីខ្លះ ?

ព្យាការីរបស់យើងសព្វថ្ងៃនេះគឺប្រធាន ថូម៉ាស អេស ម៉នសុន ។ នេះគឺជាចំណុចមួយចំនួនដែលលោកបានស្នើសុំឲ្យយើងធ្វើ ។

ធ្វើតាមគំរូរបស់ព្រះយេស៊ូវ ហើយស្រឡាញ់មនុស្សគ្រប់គ្នា ។
ថ្វាយដង្វាយមួយភាគក្នុងដប់ ហើយបរិច្ចាគដល់មូលនិធិសម្រាប់អ្នកផ្សាយសាសនា ។
កុំមើលខ្សែភាពយន្ត ទូរទស្សន៍ និង ប្រព័ន្ធផ្សព្វផ្សាយផ្សេងទៀតដែលមិនល្អ ។
សូមដាក់រូបភាពព្រះវិហារបរិសុទ្ធមួយ នៅគ្រប់បន្ទប់ដេកនីមួយៗ ។
សិក្សាសុន្ទរកថាសន្និសីទទូទៅនានា ។
ទៅសួរសុខទុក្ខចាស់ជរា ហើយធ្វើជាអ្នកជិតខាងល្អ ។

រើសកិច្ចការមួយមកពីបញ្ជីនេះ ដែលអ្នកអាចធ្វើក្នុងខែនេះ ។ តើអ្នកនឹងធ្វើអ្វីខ្លះ ?