បញ្ចាំងពន្លឺរបស់អ្នកចេញទៅ
បងប្អូនប្រុសដែលបញ្ចាំងពន្លឺដល់ពិភពលោក
ជម្រាបសួរ ! ពួកយើងឈ្មោះ ហូប៊ើត និង ហេឌិន ។ យើងរស់នៅក្នុងប្រទេសហ្គាណា ។ ទីក្រុងរបស់យើងឈ្មោះអាក្រា គឺវានៅក្បែរមហាសមុទ្រអត្លង់ទិច ។ ប្រទេសយើងក៏មានព្រះវិហារបរិសុទ្ធដ៏ស្រស់ស្អាតផងដែរ ។
ហេឌិន ៖ ចម្រៀងបុណ្យគ្រីស្ទម៉ាស់
ថ្នាក់រៀនខ្ញុំនៅសាលាមានការសម្តែងអំពីប្រសូតកម្ម ហើយខ្ញុំបានលេងព្យាណូសម្រាប់កម្មវិធីទាំងមូល ។ ខ្ញុំបានបង្រៀនមនុស្សគ្រប់គ្នាឲ្យច្រៀងបទ « O Holy Night » ។
ហេឌិន ៖ ការបង្រៀនអ្នកជិតខាង
ខ្ញុំចូលចិត្តបង្រៀនអ្នកជិតខាងរបស់ខ្ញុំ នៅពេលយើងលេង ដោយសារខ្ញុំចង់បម្រើពួកគេ ។ នៅក្នុង ម៉ាថាយ ៥:១៦ ព្រះយេស៊ូវបង្រៀនយើងថា ចូរឲ្យយើងបញ្ចាំងពន្លឺយើងចេញទៅ ។ ពេលខ្ញុំធ្វើល្អដូច្នេះ ខ្ញុំមានអារម្មណ៍រីករាយ ។
ហូប៊ើត ៖ ការជួយអ្នកស្រេកឃ្លាន
អំឡុងពេលចេញលេងនៅសាលារៀន ខ្ញុំឃើញមនុស្សដែលស្រេកឃ្លាន ហើយគ្មានអ្វីបរិភោគ ។ ខ្ញុំបានចែកអាហារសម្រន់របស់ខ្ញុំ ហើយបានជួយពួកគេឲ្យមានអារម្មណ៍ធូរស្បើយ ។ បន្ទាប់ពីចែកនំនោះរួច ខ្ញុំមានអារម្មណ៍រីករាយ ។
ហូប៊ើត ៖ ការលេងព្យាណូខ្យល់
នៅព្រះវិហារខ្ញុំលេងព្យាណូខ្យល់សម្រាប់ឲ្យសមាជិកច្រៀង ។ ពេលខ្ញុំធ្វើល្អដូច្នេះ ខ្ញុំមានអារម្មណ៍រីករាយ ។
ចូរយើងបញ្ចាំងពន្លឺដល់ពិភពលោក
នៅក្នុងព្រះគម្ពីរចែងថា ព្រះយេស៊ូវគឺជាពន្លឺ និងជាជីវិតនៃពិភពលោក ។ ដូច្នេះចូរយើងបញ្ចាំងពន្លឺដល់ពិភពលោក !
សូមអរគុណដែលប្អូនៗបានផ្ញើរូបផ្កាយរបស់ប្អូនមកកាន់លីអាហូណា !
ឆ្នាំនេះ ប្អូនៗបានបំពេញមេឃរបស់យើងជាមួយនឹងរូបផ្កាយ និងរឿងរាប់ពាន់ស្តីពីការបម្រើប្រកបដោយក្តីស្រឡាញ់របស់ប្អូនៗ ។ ប្រាកដណាស់ ប្អូនៗពិតជាបានបញ្ចាំងពន្លឺរបស់ប្អូនៗមែន !