តើគ្រូបង្រៀនតាមផ្ទះ និងគ្រូបង្រៀនសួរសុខទុក្ខរបស់ខ្ញុំទៅណា ?
ដោយ ជីន ប៊ី ប៊ីងហាំ
ប្រធានសមាគមសង្គ្រោះទូទៅ
ភាពបត់បែននៃការងារបម្រើគួរតែជំរុញយើងឲ្យបង្ហាញការយកចិត្តទុកដាក់កាន់តែច្រើនឡើង ពុំមែននាំយើងឲ្យសម្រាកលំហែកាយនោះទេ ។
ថ្មីៗនេះ មិត្តម្នាក់របស់ខ្ញុំបានសួរខ្ញុំដោយភាន់ភាំងថា « តើគ្រូបង្រៀនសួរសុខទុក្ខរបស់ខ្ញុំទៅណា ? » ចាប់តាំងពីពេលដែលស្វាមីរបស់គាត់បានស្លាប់ទៅ ពួកគេត្រូវបានគេមើលថែ និងយកចិត្តទុកដាក់ ប៉ុន្តែចាប់តាំងពីការប្រកាសអំពីកម្មវិធីការងារបម្រើថ្មីនៅឯសន្និសីទទូទៅខែមេសា ឆ្នាំ ២០១៨ មក គាត់ពុំដែលឃើញពួកគេសោះ ។
យើងទាំងអស់គ្នាកំពុងកែតម្រូវទៅនឹងវិធីថ្មីមួយនៃការធ្វើកិច្ចការនេះ ហើយបងប្អូនប្រុសស្រីដែលផ្តល់ការងារបម្រើមួយចំនួនអាចនឹងពុំយល់ថា ទោះបីជាការសួរសុខទុក្ខតាមផ្ទះពុំមែនគ្រាន់តែជាវិធីមួយនៃការងារបម្រើឡើយ ប្រាកដណាស់វាគឺជាវិធីដ៏អស្ចារ្យមួយដើម្បីបង្ហាញសេចក្តីស្រឡាញ់ និងចំណាប់អារម្មណ៍ដ៏ស្មោះត្រង់—ហើយសមាជិកជាច្រើននៅតែត្រូវការវា ។
ការដាក់អាទិភាពលើសំណួរ ហេតុអ្វី ឲ្យនៅលើសំណួរ ដូចម្តេច
សម្រាប់មនុស្សមួយចំនួន បញ្ហាអាចកើតឡើងពីការយល់ច្រឡំអំពីគោលបំណងនៃការផ្លាស់ប្តូរនេះ ។ គោលបំណងដែលបង្កប់នៅក្នុងការជំនួសការបង្រៀនតាមផ្ទះ និងការបង្រៀនសួរសុខទុក្ខឲ្យទៅជាការងារបម្រើនោះ គឺពុំមែនជាការផ្លាស់ប្តូរធម្មតាៗអំពី របៀប ដែលយើងមើលថែដល់គ្នាទៅវិញទៅមកនោះទេ តែវាជួយយើងឲ្យកាន់តែទទួលបានការដឹកនាំពី មូលហេតុនោះ ។
គោលបំណងចម្បងនៃការងារបម្រើរបស់យើង គឺដើម្បីជួយអ្នកដទៃឲ្យកាន់តែប្រែចិត្តជឿខ្លាំងឡើងដល់ព្រះអង្គសង្គ្រោះព្រះយេស៊ូវគ្រីស្ទ ហើយរីកចម្រើនឆ្ពោះទៅកាន់សក្តានុពលនៃភាពជាព្រះរបស់ពួកគេ ។ ភាពបត់បែនដែលបានបន្ថែមលើកម្មវិធីនេះ ពុំមែនជំរុញឲ្យកិច្ចខិតខំយើងមានការសម្រាកលំហែនោះទេ តែវាផ្តល់ឱកាសកាន់តែច្រើនឡើងសម្រាប់ឲ្យព្រះវិញ្ញាណដឹកនាំកិច្ចខិតខំរបស់យើង ។
ដូច្នេះទោះបីមាន ឬគ្មាននរណាម្នាក់ត្រូវការការសួរសុខទុក្ខនៅថ្ងៃនេះក្តី វាគួរតែផ្តោតទៅលើចំណុចសំខាន់ថា តើអ្វីនឹងជួយពួកគេឲ្យបន្តឆ្ពោះទៅមុខលើមាគ៌ារបស់ព្រះវរបិតាសួគ៌ ។
រៀនជាមួយគ្នា
ទោះបីជាការចាប់ផ្តើមគ្មានភាពប្រាកដប្រជាអំពីអ្វីដែលរំពឹងចង់បានពីយើងនៅពេលយើងធ្វើការងារបម្រើក្តី បងប្អូនប្រុសស្រីរបស់យើងកំពុងឈោងទៅជួយគ្នាទៅវិញទៅមក ។ នៅគ្រប់កន្លែងដែលខ្ញុំបានធ្វើដំណើរទៅ វាគឺជាក្តីរំភើបដែលបានឮពីស្ត្រីដ៏ច្រើនរាប់មិនអស់ ( និងបុរសផងដែរ ) ចែកចាយរឿងរបស់ពួកគេអំពីឥទ្ធិពលវិជ្ជមាននៃការងារបម្រើរបស់ខ្លួន—ឬត្រូវបានគេផ្តល់ការងារបម្រើដល់ពួកគេ—គឺទំនាក់ទំនងបានកើនឡើង និងការរីកចម្រើនផ្ទាល់ខ្លួន ។
ថ្មីៗនេះ ខ្ញុំបានត្រឡប់មកពីរដ្ឋ ណ័រខារូឡាយណា ស. រ. អា. នៅទីនោះប្រធានសមាគមសង្គ្រោះវួដម្នាក់បានចែកចាយយោបល់មួយចំនួនដែលគាត់បានទទួលពីថ្នាក់ដឹកនាំស្តេក ។ ជាមួយនឹងការបញ្ជាក់ច្បាស់មួយចំនួន ខ្ញុំបានគិតថា ពួកគាត់អស្ចារ្យណាស់ ហើយសក្តិសមនឹងចែកចាយយោបល់នោះ ។
បន្តឆ្ពោះទៅមុខ
យើងទាំងអស់គ្នាកំពុងរៀនជាមួយគ្នានៅពេលយើងចាប់យក « មធ្យោបាយកាន់តែថ្មី និង កាន់តែបរិសុទ្ធ » ដើម្បីផ្តល់ការងារបម្រើ ។១ ប្រហែលពួកយើងមួយចំនួនមានអារម្មណ៍ស្មុគស្មាញ ឬភ័យខ្លាច ។ វាមានប្រយោជន៍ដើម្បីចាំថា « កាន់តែថ្មី និង កាន់តែបរិសុទ្ធ » ពុំមែនមានន័យថា « គ្មានកំហុស និងពុំអាចសម្រេចបាន » នោះឡើយ ។
មិនថាអ្នកនៅតែពុំប្រាកដចិត្តអំពីគោលបំណងនៃការងារបម្រើ និងរបៀបដែលវាដំណើរការ ឬអ្នកគិតថា អ្នកយល់ពីវាហើយ នោះខ្ញុំសូមអញ្ជើញអ្នកឲ្យមើល និងអានធនធាននៅគេហទំព័រ ministering.lds.org និងសិក្សាអត្ថបទស្តីពីគោលការណ៍នៃការងារបម្រើដែលបានបោះពុម្ពចេញផ្សាយរៀងរាល់ខែនៅក្នុង លីអាហូណា ( សូមមើលទំព័រទី ៨ ក្នុងច្បាប់ចេញផ្សាយនេះ ) ។ សម្ភារទាំងនេះនឹងជួយឲ្យកិច្ចខិតខំនៃការងារបម្រើរបស់អ្នកស្របទៅនឹងកិច្ចការរបស់ព្រះអង្គសង្គ្រោះ ។
សូមអរគុណដល់បងប្អូនប្រុសស្រីដ៏អស្ចារ្យ សម្រាប់សេចក្តីស្រឡាញ់ និងការមើលថែ និងឈោងទៅជួយ ព្រមទាំងការលះបង់ខ្លួនរបស់អ្នក ។ អ្នកពិតជាអស្ចារ្យណាស់ ហើយការងារបម្រើរបស់អ្នកនឹងក្លាយជា « អ្វីមួយដែលកាន់តែប្រពៃបំផុត ! »២