លុះត្រាជួបទៀត
ការស្គាល់ព្រះគ្រីស្ទតាមរយៈយ៉ូសែប ស្ម៊ីធ
ដកស្រង់មកពី « Joseph Smith—The Mighty Prophet of the Restoration » Ensign ខែ ឧសភា ឆ្នាំ ១៩៧៦ ទំព័រ ៩៤–៩៦ ។ អក្សរធំបានអនុលោមតាមបទដ្ឋាន ។
មានមនុស្សម្នាក់ដែលមានចំណេះដឹងអំពីព្រះគ្រីស្ទ និងសេចក្តីសង្គ្រោះដែលកើតមានឡើងក្នុងជំនាន់របស់យើង ។
យើងបង្រៀន និងថ្លែងទីបន្ទាល់ថា សេចក្តីសង្គ្រោះមាននៅក្នុងព្រះគ្រីស្ទ ។ ទ្រង់គឺជាព្រះអម្ចាស់របស់យើង ជាព្រះរបស់យើងជាស្តេចរបស់យើង ។ យើងថ្វាយបង្គំព្រះវរបិតានៅក្នុងព្រះនាមទ្រង់ ដូចជាពួកព្យាការីដ៏បរិសុទ្ធទាំងអស់ ព្រមទាំងពួកបរិសុទ្ធទាំងអស់គ្រប់ជំនាន់ ។
យើងរីករាយក្នុងទ្រង់ និងនៅក្នុងការពលិកម្មដ៏ធួនរបស់ទ្រង់ ។ ព្រះនាមរបស់ទ្រង់គឺនៅលើអស់ទាំងឈ្មោះទាំងអស់ ហើយគ្រប់ជង្គង់នឹងលុតនៅចំពោះទ្រង់ ហើយគ្រប់អណ្តាតនឹងសារភាពថា ទ្រង់គឺជាព្រះអម្ចាស់នៃមនុស្សទាំងអស់ ប្រសិនបើគ្មានទ្រង់ នោះពុំមានជីវិតអមតៈ និងជីវិតអស់កល្បជានិច្ចឡើយ ។
ប៉ុន្តែឥឡូវនេះ ខ្ញុំនិយាយអំពីបុគ្គលម្នាក់ទៀត គឺមនុស្សម្នាក់ដែលមានចំណេះដឹងអំពីព្រះគ្រីស្ទ និងសេចក្តីសង្គ្រោះដែលកើតមានឡើងក្នុងជំនាន់របស់យើង ។ …
ខ្ញុំនឹងនិយាយអំពី យ៉ូសែប ស្ម៊ីធ ជុញ្ញ័រ ជាព្យាការីដ៏អស្ចារ្យនៃការស្តារឡើងវិញ ជាបុគ្គលម្នាក់ដែលស្តាប់ឮសំឡេងសួគ៌ាមុនគេនៅក្នុងសម័យកាន់កាប់ត្រួតត្រានេះ ជាបុគ្គលម្នាក់ដែលជាឧបករណ៍ដែលស្ថាបនានគររបស់ព្រះម្តងទៀតនៅក្នុងចំណោមមនុស្ស ។ …
នៅនានិទាឃរដូវឆ្នាំ ១៨២០ [ ព្រះជាព្រះវរបិតា និង ព្រះរាជបុត្រាទ្រង់គឺព្រះយេស៊ូវគ្រីស្ទ ] បានហែកវាំងនននៃសេចក្ដីងងឹត ដែលគ្របដណ្តប់លើផែនដីអស់រយៈពេលរាប់ជំនាន់ ។ … ពួកទ្រង់បានយាងចុះមកពីដំណាក់សេឡេស្ទាលរបស់ពួកទ្រង់ ដើម្បីទៅព្រៃពិសិដ្ឋនៅក្បែរទីក្រុង ប៉ាលម៉ៃរ៉ា រដ្ឋ នូវ យ៉ោក ។ ដោយហៅឈ្មោះយុវជនយ៉ូសែប បន្ទាប់មកពួកទ្រង់បានប្រាប់លោកថា … លោកនឹងត្រូវក្លាយជាឧបករណ៍នៅក្នុងព្រះហស្តពួកទ្រង់ ក្នុងការស្តារឡើងវិញនូវភាពពោរពេញនៃដំណឹងល្អរបស់ពួកទ្រង់ ។ …
មនុស្សទាំងអស់អាចសួរខ្លួនពួកគេអំពីកន្លែងដែលពួកគេឈរ ដោយធៀបទៅនឹងយ៉ូសែប ស៊្មីធ និងបេសកកម្មមកពីព្រះរបស់លោក ។ តើពួកគេសួររកឈ្មោះរបស់លោក ហើយស្វែងរកថា តើសេចក្តីសង្គ្រោះបានរកឃើញតែតាមរយៈដំណឹងល្អនៃព្រះគ្រីស្ទ ដូចបានបើកសម្តែងទៅកាន់ព្យាការីថ្ងៃចុងក្រោយរបស់ទ្រង់ឬ … ? សំណួរដ៏អស្ចារ្យដែលមនុស្សទាំងអស់នៅក្នុងជំនាន់របស់យើងត្រូវឆ្លើយ—ហើយដាក់ខ្លួនពួកគេទៅក្នុងគ្រោះថ្នាក់នៃការបាត់បង់សេចក្តីសង្គ្រោះផ្ទាល់ខ្លួន—គឺ ៖ តើយ៉ូសែប ស៊្មីធ ត្រូវបានព្រះហៅមែនឬ ? …
… ចូរកុំឲ្យមានការយល់ច្រឡំឡើយ ។ យើងគឺសាក្សីអំពីព្រះគ្រីស្ទ ។ ទ្រង់គឺជាព្រះអង្គសង្គ្រោះរបស់យើង ។ … ប៉ុន្តែយើងក៏ជាសាក្សីអំពីយ៉ូសែប ស៊្មីធ ជាបុគ្គលដែលធ្វើឲ្យយើងស្គាល់ព្រះគ្រីស្ទ ហើយជាអ្នកធ្វើការស្របច្បាប់ ដែលបានទទួលអំណាចដើម្បីចងភ្ជាប់នៅលើផែនដី និងផ្សារភ្ជាប់នៅលើស្ថានសួគ៌ ដែលមនុស្សទាំងអស់ចាប់ពីជំនាន់របស់លោកមក អាចគ្រងសេចក្តីសង្គ្រោះទុកជាមរត ។