Ko Hotau Tukufakaholo Hokohoko ʻo e Kau Paioniá
Toʻohemá: tā fakatātā ʻa Dan Burr
Ne tūʻuta ʻa e fuofua kulupu ʻo e kau paioniá ki he Teleʻa Sōlekí ʻi Siulai ʻo e 1847 hili haʻanau fononga lalo ʻi he Hihifo ʻo ʻAmeliká ke fekumi ki ha feituʻu foʻou ʻe lava ke hū ai e Kāingalotú ki he ʻEikí ʻo ʻikai fakatangaʻi kinautolu. ʻE lava ʻe he kāingalotu ʻi ʻAmelika Tokelaú ʻo kumi honau tukufakaholó ke aʻu ki he ngaahi kui paionia ko ení. Ka ko e tokolahi taha ʻo e kāingalotu fakamāmanilahi ʻo e Siasí, ne kamata honau tukufakaholo fakapaioniá ʻi ha ngaahi feituʻu kehe, ʻo hoko ia ʻi ha kau mai ha kui kimuí ni ki he Siasí pe ko kinautolu pē ʻi heʻenau hoko ko e fuofua tokotaha ʻi honau fāmilí, koló, pe puleʻangá ke tali e ongoongoleleí.
ʻI heʻetau fakamanatua e toʻu tangata paioniá he māhina ní, mahalo te ke fehuʻi kiate koe: Naʻe kamata nai ʻi fē hoku tukufakaholo ʻo e tuí? Ko e hā ha ngaahi feilaulau naʻe fai ʻe he kau paionia ʻi heʻeku ngaahi kuí ke fakatapui ʻenau moʻuí ki he Siasí? Ko e hā ha founga te u lava ai ʻo fakalangilangiʻi mo vahevahe honau tukufakaholó? Ko e hā te u lava ʻo fai ke tokoniʻi e niʻihi kehé ke mahino pea ke nau fakalangilangiʻi ʻenau ngaahi kui paioniá?
Tuku kehe ʻa e fakaʻilonga,* ko e ngaahi ʻata ko ʻení mo ha ngaahi ʻata kehe ʻoku maʻu ia mei he ngaahi feʻauhi tā valivali fakavahaʻapuleʻanga ʻa e Musiume Hisitōlia ʻa e Siasí pea ʻe lava ke mamataʻi ia ʻi he ʻinitanetí ʻi he lds.org/go/71921.
Toʻohema ki toʻomataʻu mei he toʻohema taupotu ki ʻolungá:Fefine ʻOkú Ne Pukepuke e Tohi ʻa Molomoná mo ha Kato Matalaʻiʻakau, tā ʻe Jubal Aviles Saenz
Langa He Taimí Ni ki he Taʻengatá, tā ʻe Sylvia Huege de Serville
ʻĀ Hake, ʻĀ Hake, ʻAi Ho Ngaahi Kofu Fakaʻofoʻofá, tā ʻe Natalie Ann Hunsaker
Ko e ʻAʻahí, tā ʻe Chu Chu
* Siosefa Uiliami Pili Sionesoni: Māʻoniʻoni ki he ʻEikí, tā ʻe Emmalee Glauser Powell
Laukonga Fakafāmili, tā ʻe Jose Manuel Valencia Arellano
Kiʻi Mālōlō lolotonga e Fonongá, tā ʻe Carmelo Juan Cuyutupa Cannares
Ko e Fua ʻo e Fiefiá, tā ʻe Nanako Hayashi