Tui Fakalotú: Ko Ha Tāpuaki ki Heʻetau Moʻuí mo e Tukui Koló

ʻĪmisi

Religion: A Blessing to Our Lives and Communities

Ko e tuí mo e tui fakalotú ko ha konga tefito ia ʻi he vakai pe ko hai kitautolú. ʻOku tokoniʻi ʻe he tuí mo e tui fakalotú fakalukufua ʻetau moʻui fakaʻahó. Kuo ʻiloʻi ʻi he fakatotolo lahi ʻa e ngaahi siasi faka-Kalisitiané mo e ngaahi tui fakalotu kehé ʻoku moʻui lelei ange ʻa e kakai tuí pea ngalingali te nau tokoni ki honau tukui koló. Ko e ola ʻo e fakatotolo ʻoku ʻoatu ko ʻení ko ha konga siʻi pē ia ʻo e ngaahi founga ʻoku fakatupulaki ai ʻe he tui fakalotú ʻetau moʻuí:

Vā Fetuʻutakí

• Moʻui lelei ange honau “ngaahi vā fetuʻutaki fakasōsialé mo tolonga [ange] ʻenau nofo-malí” kae pehē foki ki he tupulaki ʻenau feohi fakasōsialé.⁴

• “Ngalingali te nau mali pea siʻisiʻi ke nau vete mali [pea ʻoku nau] fakahaaʻi ha tuʻunga fiemālie lahi ange ʻi honau ngaahi hoa malí.”⁵

Moʻui leleí

• “Laka hake ʻi he vahe tolu ʻe tahá ʻoku ngalingali … ke nau pehē ʻoku nau fiefia ʻaupito.”⁶

• Siʻisiʻi pea tātāitaha ange ke nau loto-mafasia mo loto-hohaʻa.⁷

• Meimei moʻui lōloa ange ʻaki ha taʻu ʻe fitu ʻi he kakai ʻoku ʻikai ke nau tui fakalotú.⁸