Siʻi Ngaahi Mātuʻa,
Ne folofola ʻa Sīsū ki Heʻene kau ākongá ke ʻave ʻa e ongoongoleleí “ki māmani kotoa pē” (Maʻake 16:15). ʻE lava ke ʻoatu ʻi he makasini ʻo e māhina ní ha ngaahi fakakaukau ki ho fāmilí ki hono vahevahe ʻo e ongoongoleleí ʻi he feituʻu ʻoku mou nofo aí. Kapau ʻe vahevahe ʻe he taha kotoa ʻokú ne maʻu e makasini ko ʻení mo ha fāmili kehe pē ʻe taha, fakakaukau angé ki he tokolahi ʻo e kakai te nau ako kau kia Sīsuú! Ko ha ngaahi fehuʻi ʻeni te mou lava ʻo aleaʻi ʻi hoʻomou lau e talanoa takitaha:
-
ʻOku ʻi ai nai ha taha ʻe lava ke fakaafeʻi ʻe hotau fāmilí ki he Palaimelí, ki ha papitaiso, pe ʻekitivitī ʻa e Siasí?
-
Ko e hā ʻe lava ʻe hotau fāmilí ʻo fai he māhiná ni ke vahevahe e ongoongoleleí ʻi heʻetau tā sīpingá?
-
ʻOku ʻiloʻi nai ʻe hotau kaungāmeʻá mo e kaungāʻapí ko e kau Kalisitiane kitautolu?
Fakaʻilongaʻi fakafāmili e taimi kotoa pē ʻoku vahevahe ai ʻe ha taha ʻa e ongoongoleleí ʻi he ngaahi talanoa ko ʻení. Hili iá pea faʻu e palani ngāue fakafaifekau ʻa homou fāmilí. Pea talamai pe naʻe fēfē ia!
Tuku ke tau fakafonu e māmaní ʻaki e leleí!
Ko e Kaumeʻá
New Friend section
50 E. North Temple St., Room 2393
Salt Lake City, UT 84150, USA