Ko e Kalisitiane au!

ʻI hono papitaiso mo hilifakinima aú, naʻá ku toʻo kiate au ʻa e huafa ʻo Kalaisí.

ʻOku ʻuhinga ia ʻoku ou fili ke muimui kiate Ia mo feinga ke fai e meʻa ʻoku totonú.

Ko e Kalisitiane au! ʻOku ou tui ko Kalaisi ʻa e ʻAlo Tofu Pē Taha ʻo e ʻOtuá—

Ko e Pilinisi ʻo e Melinó, Tauhi Sipi Leleí, Mā ʻo e Moʻuí, ko e Tokotaha Māʻoniʻoní.

Ko e Kalisitiane au! ʻOku ou lau fakaʻaho e folofolá, ʻo ako ki Heʻene moʻuí,

ki Heʻene ngaahi maná, ki Heʻene ngaahi akonakí, ki Heʻene feilaulau taʻengatá.

Ko e Kalisitiane au! ʻOku ou fie maʻu ke ʻiloʻi ʻe he māmaní naʻe pekia ʻa Sīsū maʻanautolu.

Koeʻuhí naʻá ne foaki ʻEne moʻuí maʻatautolú, te tau toe moʻui kotoa pē!

Ko e Kalisitiane au! ʻI he mamahi hoku laumālié koeʻuhi ko e angahalá mo e ngaahi hohaʻa ʻo e māmaní,

ʻOku tafoki hoku lotó kia Sīsū pea ʻoku ou ʻiloʻi te Ne ʻi ai.

Ko e Kalisitiane au! ʻOku ou fakaʻaongaʻi ʻa ia ʻoku ou maʻú ke tokoniʻi hoku ngaahi kaungāmeʻa faingataʻaʻiá.

ʻOku ou feinga ke fai ʻa ia ne mei fai ʻe Kalaisí; ʻoku ou muimui kiate Ia.

Ko e Kalisitiane au! ʻOku ou manatuʻi ʻa Kalaisi ʻi he founga naʻá Ne kole mai ke tau toʻo e sākalamēnití:

ʻOku ou toʻo e sākalamēnití he uike takitaha mo palōmesi ke faitotonu.

Ko e Kalisitiane au! ʻOku ou angatonu, ʻo aʻu pē ki heʻeku toko tahá.

ʻOku ou faitotonu, toʻa, mo angamaʻa. Te ke lava ʻo falala mai kiate au.

Ko e Kalisitiane au! ʻOku ou fakamolemoleʻi kinautolu kotoa ʻoku nau fili ke fai ʻa ia ʻoku halá.

ʻOku ou tali lelei e melinó mo e kaungāmeʻá mo tokoniʻi e kakaí ke nau feohi.

Ko e Kalisitiane au! ʻOku ou ʻofa kia Sīsū Kalaisi ʻaki hoku lotó kotoa. ʻOku moʻoni ia!

Ko koe ʻeni—kātaki ʻo vahevahe e ʻuhinga ʻo hoʻo hoko ko e Kalisitiané!