Kau ʻAposetolo ʻi he Funga ʻo e Māmaní
ʻAʻahi ʻa ʻEletā Kulisitofasoni ki Filipainí
ʻOku fononga e Kau ʻAposetoló he funga ʻo e māmaní ke ngāue fakaetauhi ki he kakaí mo akoʻi kinautolu fekauʻaki mo Sīsū Kalaisi.
Naʻe ʻaʻahi ʻa ʻEletā D. Toti Kulisitofasoni mo Sisitā Kefi Kulisitofasoni ki he kāingalotu ʻo e Siasí ʻi Filipainí. Ko ha fonua ia ʻoku lahi hake he 7,000 hono ʻotu motú. Pea ʻoku tokolahi hake ʻi he 770,000 ʻa e kau mēmipa ʻo e Siasí!
Naʻe akoʻi ʻe ʻEletā Kulisitofasoni ʻo pehē:
Angaʻofa mo tokangaʻi e niʻihi kehé. ʻOku ui ʻeni ko e ngāue fakaetauhí.
Moʻui ʻaki e ongoongoleleí—kotoa!
Vahevahe e ongoongoleleí mo e niʻihi kehé.
ʻOku tokolahi ha kāingalotu ʻo e Siasí mei Filipaini—tautautefito ki he kau finemuí—ʻoku nau ngāue fakafaifekau. Naʻe pehē ʻe ʻEletā Kulisitofasoni ʻoku ʻiloa kinautolu ʻi heʻenau poto hono ako e ngaahi lea fakafonuá.
Naʻe pehē ʻe ʻEletā Kulisitofasoni kapau te ke ʻaʻahi ki he ʻOtu Filipainí, te ke foki mata malimali ki ʻapi!
“Ko e fanga kiʻi meʻa īkí ʻoku nau fakahoko e liliu lahi ʻi he moʻui ʻa e niʻihi fakafoʻituituí mo e ngaahi fāmilí.” —ʻEletā D. Toti Kulisitofasoni