Celestial Enyimnyam Hwɛ Enyimnyam mu ahorow Ntwerba; Nkwagye Ntowdo; Onnyiewiei Nkwa iyi so Enyimnyam ahorow ntwerba ebiasa no mu dza ɔkrɔn kɛse a nyimpa botum enya no owuekyir. Ha na atseneneefo nye Nyame Egya na Ne Ba Jesus Christ bɛtsena. Celestial enyimnyam no yɛ no mu kor, 1 Cor. 15:40 (N&A 76:96). Wohwiim Paul kɔr ɔsor a otsĩa ebiasa no mu, 2 Cor. 12:2. Woyii Celestial enyimnyam no kyerɛɛ wɔ enyido-adzehu mu, N&A 76:50–70. Sɛ ahotseweefo pɛ bea wɔ celestial wiadze no mu a, nna otwar dɛ wosiesie hɔnho, N&A 78:7. Nyia onnkotum edzi celestial ahenman no mu mbra do no nnkotum atsena celestial enyimnyam no mu, N&A 88:15–22. Ɔsor ahorow ebiasa na ɔwɔ celestial enyimnyam no mu; wɔahyehyɛ mbra bi ato hɔ a wɔnam do dze nya dza ɔkrɔn kɛse no, N&A 131:1–2. Mbofra a wonndu nkontaabu afe mu na wowu no wɔgye hɔn nkwa wɔ celestial ahenman no mu, N&A 137:10.