Mbra kwan do ahyɛmudzi anaa bɔhyɛ a ɔda obanyin na ɔbaa ntamu a ɔma wɔbɛyɛ okun na ɔyer. Nyankopɔn na ɔhyehyɛɛ awar (N&A 49:15).
Awar na ahyɛmudzi fofor a ɔwɔ hɔ daapem
Awar a wɔwar wɔ asɛmpa ne mbra ase na asɔfodzi krɔnkrɔn no mu no wɔ hɔ ma ɔnnkyebo asetsena yi nye mbersantsen. Mbarimba na mbaa a wodzi mu na wɔwar wɔ temple mu botum akɔ do ayɛ kun na yer sesei na mbersantsen.
Gyedzi sorbi ntamu awar
Ɔbarimba na ɔbaa a wɔawar a sorbi da hɔn gyedzi wɔ nyamesom na ndzeyɛɛ mu.
Awar pii
Okun a ɔwar yernom tseasefo beenu anaa pii. Ɔyɛ mbra dɛ banyin benya yer kor pɛr, gyedɛ Ewuradze nam nyikyerɛ do kã biribi fofor ana (Jacob 2:27–30). Wɔnam nyikyerɛ do warwar pii wɔ Ahyɛmu Dadaw mber do na wɔ Asɔr a wɔasan dze aba no n’ahyɛse a, wɔnam nkɔnhyɛnyi a okitsa asɔfodzi ne nsaafee no ne nkyerɛkyɛrɛ do dze mae (N&A 132:34–40, 45). Wɔnnda ho nnyɛ dɛm bio wɔ Asɔr no mu (AD 1); ndɛ mber yi, ibenya yer akã kortsee no ho no tsia Jesus Christ N’Asɔr a ɔwɔ hɔ ma Nda a Odzi Ekyir Ahotseweefo no.