Matthew
Jesus Christ no Somafo na ɔno na ɔkyerɛɛw nwoma a odzi kan wɔ Ahyɛmu Fofor no mu, Matthew, Jewnyi a nna ɔgyegye tow ma Romefo wɔ Capernaum, ɔbɛyɛ dɛ ɔsom Herod Antipas. Ansaana obenya ne nsakyeree no nna wɔfrɛ no Levi, Alphaeus ne babanyin (Mark 2:14). Wɔfrɛɛ no dɛ ɔmbɛyɛ Jesus no suanyi no, annkyɛr koraa na ɔtoo pon ma Jesus baa ase (Matt. 9:9–13; Mark 2:14–17; Luke 5:27–32). Ɔbɛyɛ dɛ nna Matthew wɔ Ahyɛmu Dadaw kyerɛwsɛm no ho nyimdzee ara yie ntsi otumii hun Jesus n’abrabɔ mu nkɔnhyɛ ne mãhyɛ no ara yie. Ɔfa Ɔsomafo no n’abrabɔ a odzi ekyir no no mu kakraabi na wonyim. Abakɔsɛm da no edzi dɛ wokum no.
Matthew Asɛmpa no
Nwoma a odzi kan wɔ Ahyɛmu Fofor no mu. Ahyɛse no, Matthew kyerɛɛw n’Asɛmpa no dze maa Jewfo a wɔwɔ Palestine no. Ɔfaa nsɛm pii fii Ahyɛmu Dadaw no mu. Matthew no botae tsitsir nye dɛ ɔbɛkyerɛ ma woebu dɛ Jesus nye Messiah no a Ahyɛmu Dadaw mu nkɔnhyɛfo no kãa noho asɛm no. Osii no pi so dɛ Jesus nye adasa hɔn Hen na Ɔtsɛmbuafo.
Ama ehu Jesus N’abrabɔ mu nsɛm a wɔakã ho asɛm wɔ Matthew Asɛmpa no mu no, hwɛ Nsɛmpa no ne Nsaae wɔ ntaekyir nwoma no mu.