Agyenkwa Hwɛ Jesus Christ iyi so Nyia ɔgye nkwa. Jesus Christ, nam No Werdambɔ no do dze ɔpon na nkwagye ama adasamba nyinara. “Agyenkwa” yɛ Jesus Christ Ne dzin na N’abɔdzin. Ewuradze nye me kan na mo nkwagye, Ndw. 27:1 (Ex. 15:1–2; 2 Sam. 22:2–3). Emi nye Ewuradze; na agyenkwa biara nnyi hɔ kã moho, Isa. 43:11 (N&A 76:1). To ne dzin Jesus: osiandɛ ɔno na ɔbɛgye no nkorɔfo efi hɔn bɔn mu, Matt. 1:21. Na ndɛ wɔawo Agyenkwa ama hom, ɔno nye Christ Ewuradze no, Luke 2:11. Nyankopɔn dɔɔ wiadze ara ma Ɔba a Wɔwoo no Kortoo no no bae bɛgyee adasa nkwa, John 3:16–17. Dzin biara nnyi hɔ nnkã Christ ho a wɔnam do bɛgye nyimpa nkwa, Ndwu. 4:10–12 (2 Ne. 25:20; Mosiah 3:17; 5:8; N&A 18:23; Moses 6:52). Sor hɔ na yɛhwɛ Agyenkwa no, Ewuradze Jesus Christ no kwan, Philip. 3:20. Egya no somaa Ɔba no dɛ ɔmbɛyɛ wiadze Agyenkwa, 1 Jn. 4:14. Ewuradze beyii Messiah, wiadze Agyenkwa no, 1 Ne. 10:4. Nyame Eguambaa no nye wiadze Agyenkwa, 1 Ne. 13:40. Agyenkwa noho nyimdzee bɛtahye ɔman biara, ebusua, kasahorow, nye nyimpa nyinara mu, Mosiah 3:20. Ɔsɛ dɛ Christ wu ama nkwagye aaba, Hel. 14:15–16. Bemdzi na ahosan a ɔnam Agyenkwa no do na ɔtsen na ɔyɛ nokwar, N&A 20:30–31. Emi nye Jesus Christ, wiadze Agyenkwa no, N&A 43:34. Me Ba a Wɔwoo no Kortoo no no nye Agyenkwa no, Moses 1:6. Na dodowara a wɔbɛgye Ɔba no edzi na woenu hɔnho efi hɔn bɔn ho no ɔbɛgye hɔn nkwa, Moses 5:15.