Wentwiwentwi Hwɛ Etuatsew iyi so Aperper, nyiyiano, na mansotwe. Wentwiwentwi, nkanka dza osi Ewuradze N’Asɔrmba mu anaa ebusua mu no nnsɔ Ewuradze enyi. Mma emma aperper mmba emi nye ɔwo ntamu, Gen. 13:8. Nkontompɔ dze aperper nko ba, Mbɛ. 13:10. Sɛ obi nye obi wɔ asɛm a, ɔmfa nkyɛ no dɛ mbrɛ Christ dze akyɛ no no, Col. 3:13. Nkwasea ekyingyebra nye wentwiwentwi dze, yi woho fi ho, Titus 3:9. Ewuradze hyɛ dɛ mma adasa nnye hɔnho nndzi aperper, 2 Ne. 26:32. Hom remma kwan mma hom mba nye hɔnho nnkõ na wɔnnham, Mosiah 4:14. Alma hyɛɛ Asɔrmba no dɛ mma obiara nnye no nua nndzi aper, Mosiah 18:21. Satan na ɔdze dza ɔnnyɛ nokwar na wentwiwentwi tahyee, Hel. 16:22. Abɔnsam nye wentwiwentwi n’egya na onunu nyimpa ma wodzi aper, 3 Ne. 11:29 (Mosiah 23:15). Hom nkã m’asɛmpa no amma wentwiwentwi pii ammba, N&A 10:62–64. Hom ngyaa dɛ hom nye homho bedzi aper, N&A 136:23.