Ephraim
Ahyɛmu Dadaw no mu no, Joseph na Asenath hɔn babanyin a otsĩa ebien (Gen. 41:50–52; 46:20). Amambra kwan no ammba no dɛm, Ephraim ne nsa kãa abakan ne ndzinoa nhyira a nkyɛ ɔwɔ dɛ Manasseh a ɔyɛ babanyin panyin no nya no (Gen. 48:17–20). Ephraim ebusuakuw no n’egya.
Ephraim ebusuakuw
Wɔdze Israel mu abakan ndzinoa no maa Ephraim (1 Mber. 5:1–2; Jer. 31:9). Nda a odzi ekyir mu no hɔn ndzinoa na dwumadzi nye dɛ wobenya asɔfodzi no, wɔdze asɛmpa a wɔasan dze aba no ne nsɛm bɔkɔ wiadze, na wɔama frankaa do dze aboaboa Israel hɔn ano (Isa. 11:12–13; 2 Ne. 21:12–13). Ephraim ne mba dze enyimnyam bɛhyɛ hɔn a wofi etsifi aman mu no a wɔbɛsan aba nda a odzi ekyir mu no (N&A 133:26–34).
Ephraim no poma anaa Joseph
Ephraim n’ebusuakuw no mu kor a woyii no fii Jerusalem dze no kɔr America bɛyɛ mfe 600 ansaana wɔrobɔwo Christ no hɔn abakɔsɛm. Dɛm kuw yi hɔn abakɔsɛm no wɔfrɛ no Ephraim anaa Joseph no poma, anaa Mormon Nwoma. Iyi na Judah poma (Bible) no bɔ mu yɛ adze kor dzi Ewuradze Jesus Christ ho dase, No Wusoɛr, na No dwuma a odzii wɔ dɛm Israel efi nkorbata yi mu.