Galilee
Tsetseberdo nye nkyirmbaberdo, Israel asaase n’etsifi apaamu bea a ɔdze kɔ Jordan Esutsen nye Galilee Po n’anee afamu. Galilee ne tsentsen bɛyɛ aborɔfo kwansin eduosia na ne tɛtɛr so bɛyɛ aborɔfo kwansin eduasa. Tsetseberdo no nna hɔ yɛ asaase pa na hɔ so na Israel no nkurow no mu yɛ hyew papaapa. Atsɛmpɔn etsitsir a wɔfa do kɔ Damascus, Egypt, na Israel no boka ne nyina fa Galilee. Ne wimu nye ne nsaaseber no maa olive, eburow, atoko, na nduaba soow yie wɔ mbew no do. Galilee Po dwumadzi bɛyɛɛ atsenkã, na dɛm ntsi wɔdze nam kɔr amanandze na hɔ bɛyɛɛ ahonya bea. Agyenkwa no dzii Ne mber ne kɛse wɔ Galilee.
Galilee Po no
Galilee Po no wɔ Israel n’etsifi afamu. Nna wɔfrɛ no Chinnereth Po so wɔ Ahyɛmu Dadaw no mu na Gennesaret Baka anaa Tiberias wɔ Ahyɛmu Fofor no mu. Jesus kyerɛkyerɛɛ nsɛmpa pii wɔ hɔ, (Matt. 13:2). Po no ne hwɛbea tse dɛ paya, ne tsentsen yɛ aborɔfo kwansin 12.5 na ne tɛtɛr yɛ aborɔfo kwansin 7.5. Asaase no hyɛ po ase anamɔn 680. Iyi ma mpɛn pii no mframa a ɔwɔ hɔ no yɛ hyew papapanara. Mframa nwinwin a ɔbɔ fi akoko no do behyia mframahyew a ɔwɔ nsu no do no ma mpɛn pii ehum tu mpofirmu (Luke 8:22–24).