Samariafo

Bible mu nkorɔfo a wɔtsenaa Samaria ber a Assyriafo gyee Israel etsifi ahenman ekyir no. Samariafo no hɔn mu fã yɛ Jewfo na fã so yɛ Amanamamfo. Hɔn nyamesom na ndzeyɛɛ yɛ Jewfo na abosonsɔrfo dze a edzi afora. Samarianyi yamuyiefo noho abɛbusɛm no a ɔwɔ Luke 10:25–37 mu no kyerɛ okyir a Jewfo dze kyir Samariafo osiandɛ Samariafo no ahwe ase wɔ gyedzi mu wɔ Israelmba hɔn nyamesom ho no ntsi. Ewuradze kyerɛɛ Asomafo no dɛ wɔnkã asɛmpa no nkyerɛ Samariafo no (Ndwu. 1:6–8). Philip kãa Christ n’asɛmpa no konyimdzi mu ara kyerɛɛ nkorɔfo a wɔwɔ Samaria na ɔyɛɛ anwanwadze pii wɔ hɔn mu (Ndwu. 8:5–39).