Ɔsom Hwɛ Ɔdɔ; Yieyɛ iyi so Ɔhwɛ pa a wɔdze ama anaadɛ edwuma a wɔayɛ dze ama Nyankopɔn na binom yieyɛ. Sɛ yɛsom binom a, nna yɛrosom Nyankopɔn so. Ndɛ da yi hom nsan mu nyi nyia hom bɔsom no, Josh. 24:15. Susuampaara dɛ hom ayɛ ama mo nuanom nketseaba yi mu kor no, hom ayɛ ama me, Matt. 25:35–45. Hom ntu hom nyimpadua nsi hɔ dɛ afɔrbɔdze nyikan, dza ɔyɛ hom som a ɔwɔ siantsir, Rom. 12:1. Hom ndua ɔdɔ do nsonsom homho nkorkor, Gal. 5:13. Edze wo nkwa nda nyina bɔsom wo Nyankopɔn, 2 Ne. 2:3. Ber a hom rosom hom enuanom no nna hom Nyame ara na hom rosom no no, Mosiah 2:17. Hɔn a hɔn nsa bɛkã anohoba asaase no wɔ dɛ wɔsom Nyankopɔn annyɛ dɛm a wɔbɛpam hɔn efi do, Ether 2:8–12. Hɔn a wɔyɛ Nyame n’edwuma no ɔwɔ dɛ wɔdze hɔn akoma nyina som no, N&A 4:2. Ewuradze maa mbrasɛm dɛ adasamba ndɔ no na wɔnsom no, N&A 20:18–19. Hom nsom Nyankopɔn wɔ Jesus Christ ne dzin mu, N&A 59:5. Emi, Ewuradze, ɔyɛ me enyigye dɛ medze enyimnyam bɛma hɔn a wɔsom me no, N&A 76:5. Som Nyankopɔn, na ɔno nkotonoo na ɔwɔ dɛ esom no, Moses 1:15.