James, Zebedee ne Babanyin

Jesus N’Asomafo no a Ɔsaan mu yii hɔn ber a ɔwɔ asaase do reyɛ No honandua mu somdwuma no hɔn mu kor. Ɔyɛ John no nua. Ɔyɛ Asomafo baasa no a Jesus saan mu yii hɔn a mber etsitsir mu no nna wɔkã noho no hɔn mu kor: Ber a onyaan Jairus ne babaa no (Mark 5:37). Nsakyer ber no (Matt. 17:1; Mark 9:2; Luke 9:28), nna ber a ɔwɔ Gethsemane no (Matt. 26:37; Mark 14:33). Ɔkã Peter na John ho, na ɔnam Joseph Smith na Oliver Cowdery hɔn asɔfohyɛ do saanee dze Melchizedek Asɔfodzi no baa asaase do (N&A 27:12; 128:20; JS—Aba 1:72).