Bɔn Hwɛ Efĩfĩdze, Fĩ; Ekyiwadze, Mbusubɔ; Emumuyɛdze, Emumuyɛfo; Etuatsew; Fom; Ndzeyɛɛ a Ɔnntsen, Ɔnntsen; Onnyi Nyamesu iyi so Nyankopɔn ne mbrasɛm ho enyidaho asokyew. Nyia ɔkata no bɔn do no ɔnnkɛyɛ prɔmprɔm, Mbɛ. 28:13. Kaansa hom bɔn tse dɛ adaaben mpo a, ɔbɔhoa dɛ esukwankyɛba, Isa. 1:18. Ndzebɔnyɛfo bowu, na atseneneefo no benya nkwa, Ezek. 18. Nyame Eguambaa a oyi wiadze bɔn kɔ, John 1:29. Ma wonnuma wo, na wɔnhohor wo bɔn, Ndwu. 22:16. Bɔn akatua nye owu, Rom. 6:23. Nyia onyim papa yɛ, na ɔnnyɛ no, ɔyɛ bɔn ma no, James 4:17. Ana ebɛyɛ me ma sɛ muhu bɔn a moho apopo, 2 Ne. 4:31. Hɔn a wowu wɔ hɔn bɔn mu no ndue, 2 Ne. 9:38. Woenntum annhwɛ bɔn na mbom wokyirii, Alma 13:12. Mma nndwen dɛ wɔbɛsan eyi wo efi bɔn mu akɔ enyigye mu, Alma 41:9–10. Ewuradze runntum nnhwɛ bɔn wɔ kwan ketseketse biara do, Alma 45:16 (N&A 1:31). Mbofra nkakraba nntum nnyɛ bɔn, Moro. 8:8. Nyimpa bonu hɔnho no, ɔwɔ dɛ wɔkã hɔn bɔn kyerɛ, na wɔtwe hɔnho fi hɔn bɔn ho, N&A 58:42–43. Nyia ɔmmfa bɔn nnkyɛ no bɔn ne kɛse so no, N&A 64:9. Nyia ɔyɛ bɔn tsia kan kɛse no benya afɔbu kɛse, N&A 82:3. Ɔkra no a ɔbɛyɛ bɔn no bɔn dadaw no bɛsan aba no do, N&A 82:7. Sɛ yɛkata hɛn bɔn do a ɔsorsor bɔtwe hɔn ho, N&A 121:37.