Adzehunyi

Nyimpa a Nyankopɔn ama no tum ma ɔdze no sunsum mu enyiwa hu ndzɛmba a Nyankopɔn dze esuma wiadzefo (Moses 6:35–38). Ɔyɛ oyikyerɛfo na ɔyɛ nkɔnhyɛnyi (Mosiah 8:13–16). Mormon Nwoma mu no, Ammon kyerɛkyerɛɛ dɛ adzehunyi nko na obotum akyerɛ adze ase yie, anaa ɔdze Urim na Thummim no akyerɛ adze (Mosiah 8:13; 28:16). Adzehunyi nyim dza ɔabɛsen, dza ɔwɔ hɔ seiseiara, na dza obesi. Tsetseberdo no nna wɔtaa frɛ nkɔnhyɛnyi adzehunyi (1 Sam. 9:9; 2 Sam. 24:11).

Joseph Smith nye nda a odzi ekyir adzehunyi kɛse, (N&A 21:1; 135:3). Hɔn a wɔkã ho nye President a Odzi Kan nye n’Apamfo na Abaguafo Duebien no na wɔma hɔn tsipia dɛ wɔyɛ nkɔnhyɛfo, adzehufo, na nyikyerɛfo.